مريم : انداريت على صوت أبوية ومنا اباوع لسماح تبجي وكاعدة بالكاع اجة ابوي ضربني براشدي حسيت خدي خدر وابوي عيونه ناطه من العصبية هلكد ما مصدومة ما بجيت ولاول مرة ابوي يمد ايده علية
سماح : ؏ـادʊ̤ تعودت عليها ميخالف بوية لخاطري لاتعصب
رسول : مرة ثانية تمدين ايدج على اختج اكسرها الج وطلع
سماح : لاتلعبين وياية
مريم : اباوع عليها مسحت دموعها وابتسامة على وجها وطلعت كعدت بجيت بجيت لحد ما احس بـ؏ـــد مااشوف بعيوني وما طلعت من الغرفة ومن يومها معاملة ابوية تغيرت وياية ابد ما يباوع بوجهي ولا يحاجيني ولا كلشي يجيبلي واذا عرف اني الي طبخت ما ياكل اكلي ولا يشرب جاي مني حتى الماي ما ياخذة مني
اجة يوم نيشان سماح وقررت التزم الصمت بس اني ؏ـيوني فاضحتني لبست سماح فستان اسود بي لمح وبي دانتيل ومكياج وسوت تسريحة وسعاد لبست فستان اسود بي ورود وشال اما اني لبست تنورة سودة وبلوز اسود وسويت ظفيرة
اجة وسام لابس زي رسمي اسود والقميص مفتوح لونه ابيض وبدت ام وسام تهوس لابنها وفرحانة باوعت عليهم واي فرحة بگلبي ماكو بس عيون تباوع وهاهية مرت الحفلة عادي ولبست ذهبها وهو يهمس بأذانها وهي تضحك لبسو الذهب وتمت الحفلة
بعدها ام وسام كالت خل نعوفهم شوي وطلعنه وعفناهم وبدت الناس تروح كعدت بالحديقة بحدي وحظنت رجليه مااعرف شكد ضليت حسيت صوت وراية طلع وسام
وسام : ها خيتي شبيج كاعدة هنا
مريم : مابية شكراً الك
سماح : وسام ليش هنا بعدك
وسام : ردت اطلع وشفت مريم كاعدة هيج عبالي بيها شي يله اني اترخص مع السلامة
مريم : باس جبينها وايديها وراح
سماح : مريم الجو بارد فوتي جوه لاتتمرضين اريدج يمي بعرسي
مريم : لاتصيرين حنونة فجاة
سماح : براحتج يله باي
مريم : جنت مراهقة وصغيرة وجنت اريد بس اتملك الاشياء وكلشي اريده الي جنت صغيرة ومااعرف مشاعري وشعوري ومااعرف شسوي بس كل الي سويته غلط بغلط
دخلت جوه نظفت البيت وسبحت وصليت
سعاد : حبيبتي انتِ احلى بنية بعشيرتنة شهل الجمال طالعة من علبة الجكليت
مريم : سعاد ممكن اطلعين اريد ارتاح وامدد
سعاد : عوفي الشقة وعوفي كلشي خل نكعد ونسولف احنه خوات وسند بعض
مريم : انتِ تعرفين بـ؏ـــد شحجيلج
سعاد : فضفضي اسمعج
مريم : بديت احجي واحجي لحد ما حسيت بديت ارتاح وگلبي برد وطلعت كل الي بخاطري وسعاد تمسح بدموعي وساكتة وتسمعلي
سمعنه صوت طكطكة طلعنه بساع ما شفنه احد وراها نمت واني بحظن سعاد
ومن بعدها كل ما اروح ل أبوي يصدني مااكدر بدونه ومرت الايام وبدينه نبلش بتحضيرات العرس ونروح للسوك ونرجع انظف البيت وطبخ وهكذا مشت الايام عقدت محكمة وكام يجي يومية للبيت يشوفها ويشتري الها شغلات ويكعدون سوة بس اسمع ضحكاتها
واطلع ينطيني جكلية ويمسح على راسي عبالك اني طفلة وجنت اشمر الجكليته ما جنت اعرف شنو اريد
رسول : مريم تعاي
مريم : اجيت اركض ابوية يصيحني ، ها بوية
رسول : بـ؏ـــد لعرس اختج اسبوع وام وسام طلبت بيوم العرس ما تلبس سماح اسود وتطلع بفستان ابيض بدون اغاني اريدج تحاجيها
مريم : سامحتني
رسول : ( وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا ) ، مسامحج ولزمي لسانج حافظي على اخواتج خاف يجي يوم وتتمنين هنه يمج
مريم : اني اسفة
رسول : اعتذارج مقبول مثل ما وصيتج
مريم : صار بوية حضنته ورحت كلش فرحت
ورحت دكيت الباب على سماح
سماح : فوتي
مريم : ابوي يكول بيوم عرسج اطلعين بفستان ابيض هذا طلب ام وسام ومايصير العروس تطلع اله بلون ابيض هاهيه
سماح : تمام ان شاء الله سدي الباب وراج اريد انام
مريم : تصبحين على خير
سماح : وانتِ بخير
قررت بـ؏ـــد اطلع وسام من بالي وهو مجرد زوج اختي ومعتبرني طفلة كعدت بالحديقة واباوع للسماء صافية ردت اصفي گلبي واقرر ابلش من جديد بأذن الله وراها صليت صلاة الليل وهديت جزء لامي وجزء لعلياء ونمت
____________________
خلصت النهار بخير بس الليل شيخلصه
من يبدي هدوء الناس تبدي بداخلي الخبصة
