ام رحمن : شفتج انتِ ورحمن هاي اخر مرة احاجيج تزوجين رحمن او لا
مريم : اني مااعرف مشاعري شنو ، مااكدر اخطي خطوة زواج ابد
ام رحمن : اذا هيج بيتي يتعذرج مريم
مريم : رحت صعدت فوك لميت غراضي وملابسي بجنطة وطلعت من البيت امشي بالشارع وين اروح منو يستقبلني
" لقد هزمنا من الاصدقاء ، ومن الاحبة ، والاقرب الى قلوبنا لم تأتي الهزائم من الاعداء ابداً "
صفيت امشي بالشارع ماعندي فلوس كعدت على الرصيف ودموعي على خدي واجة رجال باتجاهي قدملي فلوس رفعت راسي أشرت اله بمعنى لا وزدت بالبجي من حركة گلبي والرجال اعتذر مني وراح
رجعت لبيت ابوي وكعدت بالكاع ما مبين منه شي خليت راسي على جنطتني ونمت حسيت بالامان
" هدأت وتوفقت عن أكل نفسي حينما فهمت مؤخراً أن الركض خلف الاشياء لكسبها ليش نجاة انما موت بشكل بطيء وأنت بمنتصف الحياة "
مريم : صار الصبح وقررت اطلع اشوفلي شغل وفعلاً رب العالمين رزقني بشغل وباشرت جان بمحل ملابس وراتب زين وشرحت حالتي لصاحب المحل انو ماعندي سكن وماعندي احد اتعاطف وياية وخلاني ابات بالمحل بس ما جنت اعرف الناس وحوش والدنيا مو أمان هو جان رجال جبير ويباوعلي بنظرات مخيفة تقبض گلبي
مر شهر واني اشتغل هنا وصار عندي فلوس
بس گلبي ما هدأ ولا سكن ويومية انام ودموعي على خدي
اختفى يوسف وأصيب يعقوب بالعمى وحين قال :
" افوض أمري الى الله عاد يوسف ورد بصر يعقوب
ف يارب قد فوضت أمري أليك فبشرني بما اتمنى وأنت خير المبشرين "
" اللهم جبرك لقلوب جرحت وخواطر كسرت ونفوس ضاقت عليها الدنيا بما رحبت اللهم جبراً يعيد لقلوبنا الطمأنينة "
اتعودت على الشغل وصار عندي فلوس الحمدلله بس خوف داخلي تجاه صاحب المحل تجي ايام ماانام من الخوف وتخيلات كدامي وظلمة وبحدي وماكو صوت جانت ايام رعب وحرب نفسية
قررت ابطل من الشغل هل اليومين واشوفلي شغل ثاني بس صار الي ما توقعته
جنت نايمة وما حسيت اله لمسات على وجهي وحسيت احد فوكاي وسد حلكي واني ارفس جواه ما خليته يلمسني ومن حلات روحي دفعته اخذت جنطتني وطلعت اركض بشوارع ودنيا ليل ظلام دامس بس صوت خطواتي وين اروح واخذتني رجليه لبيت رحمن بدون وعي واني كدام بيتهم وادك بالباب بقوة
رحمن : منو منو
مريم : اني اني رحمن ساعدني
رحمن : مريم
مريم : فتح الباب بقوة وسبحني وخلاني بحظنه وعاصرني
رحمن : وج وين جنتي وج ليش لا ليلي ليل ولا نهاري نهار شعلتيني ورحتي شمسويلج وهيج حركتيني ورحتي بـا؏ـي حالي بـا؏ـي وجهي حرام اتنفس وانتِ مو يمي ليش ساكته وين جنتي ليش هيج حالج
