ملازم محمد : نشف ريج الحزن والوادم تغني
وانه من بعيد أحب الما رضى عني
شبدر مني ؟
روح : جانت حفلة حلوة واستغربت اني بدون عزيمة شفت الكل فرحان اله ست سمر حسيت بيها شي بس ما حجت رحت يمها وكلت الها ممكن اسئل شي
سمر : اي تفضلي
روح : ليش ما فرحانة احس بيج شي ؟
سمر : بأرتباك وأبتسامة مزيفة ، لا گلبي اني كلش فرحانة والحمدلله راضية وقنوعة بكلشي
بصراحة استغربت الوحيدة الي لاحظت غصتي وفرحتي ما كملت
قدس : اكو كوا... يعرف خطيبته أنتَ تضل هيج اله اندمك محمد ساعة وتنزرع كدامي انعل والديك اذا ما اجيت اندمك على الساعة السودة الي فكرو اهلك يخلفوك بيها
محمد : مااكدر اجي
قدس : ساعة وحدة اندمك والخلقك وسديت الخط بوجه
لشوكت هذا يضل هيج بس محد راح يطلع الك گلب غير سمر
سمر : ابد فرحتي ما كملت حتى ما اتهنيت ولا ارتاحيت وهيج أبتسم مجاملة والناس تنتظر شوكت يدخل العريس مااعرف شكد مر وقت وشفت محمد فات وبيده بوكيه ورد احمر ومبتسم قدملي الورد
محمد : الف مبروك
سمر : ما رديت علية من حرگة گلبي ولا باوعت عليه اخذت الورد وسكتت
محمد : سمر صار عندي ..
سمر : ما يحتاج تبرر مااريد اسمع شي بلا زحمة
محمد : اسف سمــر
سمر : مليون اسف ما تصلح الموقف الي خليتني بي تكمل الحفلة وروح هاهية ماقصرت
عذراء : شبيهم العرسان دك سوالف شبساع عيني عيني
سمر : اي فرحانة وكاعدين نسولف الكيك وعصير وصفكات وهلاهل والناس فرحانه الي وعذراء تركص
روح : اكلج عذراء عجبني اركص مثلج
عذراء : تعرفين
روح : لا مااعرف علميني جان تجيب شال وشدته على خصري
عذراء : شفت محمد طلع وشغلت أغنية ساجدة عبيد هذا الحلو كاتلني ياعمة وكعدت اعلم روح تركص
روح : كمت اقلدها بالركص وشعري مفتوح واتمايل والناس تباوع علية بساع اتعلم حتى صرت اسرع من عذراء والتفتت شفت قدس واكف يم الباب ويدخن وبيده بوكس هدية وصافن عليه اني انرعصت بمكاني
بس مستحيل اخاف منه سويت نفسي ما شفته وعذراء غيرت الاغنية وكمت اركص حسيت الطاقة السلبية
راحت وفستاني مرفوع لحد ما اتصل علية رديت عليه تفضل
