مريم : انرفع الغطى عني وحسيت بس ما فتحت عيني حاوط ايده بأيدي وطبع قبلة على راسي وراح ورة ما طلع انفجرت بالبجي نار بگلبي ما تطفى هل الگلب شيتحمل بـ؏ـــد
سمر وسجى وعذراء حاوطوني وكل وحدة من جهة الحنية تجي من البنيات شكد ما اوصف بنياتي مااكدر ماكو شي يكفي وصفهن
هاي الي تبوس بأيدي وهاي تبوس براسي وهاي بحظني حسيت روحي رجعتلي وبعدهه رجعت حظنتهن ونامن
مريم : رجعت لغرفتي واني اسحل بروحي سحل واشوف رحمن نايم ردت اشيل المخدة واخنكة وردت احرك الغرفة حرت واتفنن بالافكار شلون اتخلص منه مابقى بگلبي ذرة حب اله وطلعت من الغرفة بجيت من كل خاطري وحاطة ايدي على گلبي اعرف باعها بس المن ووين هية هسه وشراح يصير الها الف فكرة براسي احس نار بگلبي ودموعي تنزل على خدي تچويني جمر مو دموع صعبة من الانسان يفقد اعز شي بالنسبة اله فجأة وبيوم وليلة اني ما دافعت عنها راح تكرهني اني ما صنت بنتي
عذراء: ماما التالي ربه عالي وحوبة اختنة تطلع من عينه راح تطلع رب العالمين ما يعوف احد الحق يرجع لاصحابة اذكري الله ماما وكومي نصلي سوة وكعدت خواتي وصلينه سوة ودعيت الله يبرد گلب امي لان تعبت هواي وما يوم شافت الراحة
قاطع كعدتنة صوت خطوات اي هاي خطوات بابا
رحمن : يله كومي سويلي ريوك حتى اطلع للشغل
عذراء : بابا اني اسويلك ماما تعبانة اليوم ، تقدم علية لحظات وحسيت راح يضربني رجعت ليورة وخليت ايدي على وجهي خايفة منه
سمر : بابا الله عليك لاتضرب عذراء هية طفلة ومتقصد الي تريده يجرالك بس لاتضربها اترجاك
سهى : بابا راح اسويلك الاكلات الي تحبها يله بنات نسوي ريوك ل أبوي خيمتنه واني احجي والقهر بداخلي بس ما باليد حيلة
رحمن : عفية بناتي يلا بساع جوعان كلش
مريم : اباوع علية بحقد ولا عبالك اكو شي واجة كعد يمي وراد يحاوطني ابتعدت رجع تقرب ابتعدت كام من مكانة وراح للمطبخ يصيح على البنات يعرف نقطه ضعفي بناتي هنا خلص صبري يحاربني بأعز ماعندي حتى ارجعله بس هيهات اله احرك گلبك اني وياك والزمن طويل يا رحمن
كمت من مكاني وهو بلش يضرب بناتي بقوة واني بعدت بناتي عنه وهو عيونه شرار وحمر وكفت كدامه وابتسم ابتسامة خبيثة كل المكر بيها
رحمن : اعرف شلون اجيبج اعرف نقاط ضعفج اعرف ماعندج غيري وراح ترجعيلي
مريم : ماكدرت اسيطر على نفسي كمت ضربته راشدي من قوته وكع بالكاع لان جان ما متوقع اضربة ل أول مرة بحياتي اسويها بس لكل فعل ردة فعل عباله مااكدر اسوي شي
واخذت بناتي ودخلت اركض للغرفة وقفلت الباب صاح وعيط ويضرب بالباب ويفشر ويغلط بس يريد افتح الباب وعيت على نفسي وخفت ياربي اني شسويت هذا يدفني واني عدلة ربي ساعدني
رحمن : فتحي الباب مريم
مريم : بينت عكس شعوري عود اني قوية كتله ماافتح الباب
رحمن : فتحي الباب مريم اندمج والله
مريم : اذا انتَ رجال سوي شي اله اشوفك النسوان هاي المره ضربتك راشدي مره الثانية اكسر راسك انهيك
رحمن : والله وطلعلج صوت ست مريم ، سهلة حبيبتي ام بناتي اني رايح هههههههههههه
مريم : بلا رجعة اخر مرة اسمع صوتك بيها
رحمن : هههههههههههه سهلة حبيبتي سهلة تأمرين شنو تأمرين تدللين وغصباً ما علية
مريم : راح ومن بعدها اسبوع هو ما يجي للبيت ولا حتى دز احد ولا اكو اي تواصل ولا حس ولا خبر خفت هذا ناوي على شي
عذراء : بنات هذا بابا ماكو وامي خايفة لا يسوي شي بنات لازم نطلع من البيت نروح ل اي مكان نعيش بعيدين على بابا لان هذا يكتلنه وما يفكر بس لان يحب امي يعذبنه تعبت بنات من الضرب والعنف ليش ما عايشين حالنه حال البنات ليش بابا ما يحبنه
سمر : وين نروح انتِ اكو عقل براسج اذا طلعنه من البيت الف حجاية راح تنكال بحقنه شوف شمسويات وانهزمن فكري بكل خطواتج لاتضلين متسرعة
سجى : احنه لازم نشتغل ويصير عدنه فلوس وبيت ونعيش بي اهم شي امي لان لازم ترتاح تعبت هي واحنه ما بيدينه شي ما باليد حيلة يارب باوع على حالنه وساعدنه للطريق الصحيح
عذراء : غبيات تفكرن بالناس وبالحجي بس اذا راحت امي من ايدينه شلون ما فكرتن وهاي تحجي بالشغل هو مدرسة ما خلانه نكمل فعلاً انتو ما وراجن خير واختنه واحت وامي وانوب احنه
سمر : انتِ انانية تفكرين بس بنفسج
عذراء : انانية ولا غبية
سمر : اني اختج الجبيرة
عذراء : شفايده جبيرة وما تعرفين تتصرفين
سمر : لاتخلين افقد الاحترام واضربج
عذراء : بنت رحمن شتوقع منج
سمر : لعد انتِ بنت منو
سجى : كافي كافي من نكعد لحد ما انام على صياح وعياط وجدال كافي بس حسو اله اسمع صوتها راح اشوفها الوجة الثاني
عذراء : زعلت الحية ، كلساع تبدل وجها مثل جلد الحية
سمر : لاتحجي وراها بيج خير احجي كدامها لو بس لسانج متر علية سجى : هما احد كال شي وراية
سمر : اي هاي عذ...
عذراء : لا حبيبتي محد كال شي وراج اريد ماي بلا زحمة اختي
سجى : شنو اشتغل عندج كومي شربي ماي وجيبي ماي ل سمر يلا كدامي صارت عدها لسان الكسولة
عذراء : حبيبتي سمر تريدين ماي واباوع بقهر اريد اخنكها
سمر : اي والله حبيبتي من ايدج الحلوة
عذراء : كرصتها اي ادللي وتباوع عليه بشماتة
سمر : حجيت انتي دواج سجى حيل اخخ ماي بارد على گلبي
عذراء : تأمريني اني اعلمج روحي سبحي احسلج لاانوب انكعدج بالشمس انطلع الگمل
سمر : رحت اركض وراها اريد اكتلها
عذراء : ماما سمر راح تكتلني
مريم : طلعت على صوتهن شكو
عذراء : هاي بنتج عود اني الصغيرة المدلله هيج انهان ومحد ياخذ حقي مسويني مكفحة حقل تجارب اني
مريم : الف مره حجيت محد تمد ايديها على الثانية واذا سمعت هيج صارت مره ثانيه اتصرف غير تصرف
سمر : ماما بس اسمعيني
مريم : كافي البية كافيني وخليت عذراء وراية واخذتهه لغرفتي
عذراء : نننن ومطلعه لسانهه لسمر
سمر : اني اعلمج امداج غميتها
ورحت بديت ابلش بالغداء وامي شوي بهل الاسبوع تحسنت حالتهه اسمع شهكاتها وبجيها بالليل بس اكول الله يبرد گلبج يا يمة ماعدنه غيرج بهل الدنيا ابقي قوية لخاطرنه نضعف بدونج
سويت تمن وفاصوليا وزلاطة
وسجى عزلت المطبخ
كعدنه ناكل بدون صوت امي ما تباوع علية
وعذراء تضحك بشماتة اني اعلمج تضحكين عليه واترزل من وراج حتى ما لحكت ادافع عن نفسي لشوكت ابقى فاهية
مريم : عذراء عينج بماعونج وكولي الحمدلله على النعمة موجودة وناكل من فضل ورزق الله عيب اي حركة تصير على الاكل مرة ثانية اذا صارت اسويلج عقوبة
عذراء : صار ماما
مريم : سمر بـا؏ـي علية
سمر : ها ماما
مريم : طلعت من الدنيا بس بيكم لاتخسرون بعض على امور بسيطة ويجوز اموت خليكم ايد بأيد محد يدوم بس اريد خوتكم ادوم لخاطري
سمر سجى : صار ماما وعمرج طويل اسم الله عليج
مريم : وانتِ ست عذراء شو ماكو صوتج
عذراء : اي يجرالج يمة صايرين ماكو كلمة فوك كلمتج
حظنت بناتي واني حسيت براحة
عذراء : ماما
مريم : بـ؏ـــد أذنج اريد آكل جوعانه ، اعرف شراح تكولين حافظتج
عذراء : راح ازعل واكوم
سجى وسمر ومريم : كومي
عذراء: كمت وانتظر احس يصيحني وهنه ياكلن وكفت ومحد دارلي بال
عذراء : سم
مريم : خزرتها شكلتي
عذراء : شبيج يمة اريد سمسمية افتهمتيني غلط
اهووو كرامتي بس شسوي جوعانة اهم شي بطني
ورحت اكلت بدون صوت ومااريد اباوع عليهن خاف يضحكن علية
رفعت راسي وشفت سمر فاطسة من الضحك
وقاطع ضحكتنة صوت وانفتحت الباب
___________
لهنا وصلنة لنهاية البارت يسكراتي الحلوات
تصويت بين الفقرات وراح يكون تنزيل يومي
اريد تفاعلكم
🫂🫀
