سمر : شكو ماكو وراج غير الفواين منين الخير
عذراء : شو صايره مدري شلونج
سمر : الحمدلله زينه أنتِ شلونج
عذراء : خل احجيلج سمعي وركزي
سمر : يله فضيني
عذراء : من يوم الي تزوجتي لحد هذا اليوم امي يوميا اطلع أغنية قديمة لرياض أحمد الله يرحمه وتكعد تبجي واطلع ملابس أبوية وتبجي ولج اول تالي امي تسمع اغاني ونست كل الصار هي سامحت أبويه
سمر : امي يوميا تسمع هاي الاغنيه وتبجي وتشم بملابس أبويه امي قلبها طيب وتسامح والي يحب ما يكره اني ادري امي من تذكر أبويه تبجي صح اذاها وتعبها بس ما نسته لان تحبه والحب الاول ما ينسي ابد يضل بالذاكره اصلاً امي تتمنى أبويه يرجع ويطلع موته حلم اني جنت اسمع شلون تحاجي صورته امي تجامل بس بقلبها هواي حجي بين فتره وفتره تروح تزوره امي ما نست ولا راح تنسى وحسيت بالفراغ بغيابه بس اتمنى الله يبرد قلبها ورب العالمين يغفرله كل ذنوبه واني مسامحته ولا شايله بگلبي عليه اصلاً شعور البنيه بدون اب كلش صعب شعور مااكدر اوصفه بحجي بسيط رب العالمين عوضنه والحمدلله
عذراء : حتى اني مسامحته اني اكثر وحده جان اسلوبي وياه مو زين وندمانه واتمنى يسامحني بس ربي يسامحه ويغفرله لو جان زين ويانه جان حياتنه احسن من هيج يله الحمدلله اني رايحة لسجى اخذت الرجال ونستنه
سمر : عوفيها ابنها مريض
عذراء : كومي بدلي نروح سوة ساعه ونرجع هذا حيدوري تره
سمر : خل اكول اله وارجع اشوف يقبل لو لا كمت رحت للغرفة لكيته نايم كعدت على الجرباية صحت باسمه حركته ما يتحرك اباوع عيونه ما ترمش نفس ماكو خليت ايدي على انفه ماكو نفس خليت راسي على گلبه جان يجرني بحظنه وضل يضحك ضليت بحاله صدمة بحيث ما تحركت يبس الدم بجسمي
محمد : عبالج متت
سمر : اشش شد حلكك وخررر عني عذراء جوه لتسمع
محمد : كولي شتريدين
سمر : اريد اروح لسجى ابنها مريض
محمد : مرت أسامه مو
سمر : شمعرفك بي
محمد : نسيبي غير وتره صديقي وصديق قدس هم جنه سوة بس من اخذ اختج صار مؤدب ومايطلع غير تحس وتكوم من حضني عاد
سمر : حسيت على نفسي ودفعته
محمد : اخخخ
سمر : اسفه والله مو قصدي ضربتك
محمد : بوسيني واسامحج
سمر : اروح لو لا احجي بساع فضني مو وكتك
