مريم : فتحت ؏ـيوني الدنيا فجر وبدء الأذان احلى وقت هذا كمت سبحت وتوضيت وتوجهت للقبلة وصليت ودعيت وقريت قرأن لحد ما بدء الجو ويطلع الصبح ضليت ساجدة لربي وابجي تعبت من وضعي مااعرف ليش صار بية كل هذا شوكت ارتاح ونار گلبي تبرد شكد چانت ححَياتي حلوة واني بعيدة عنك
رحمن : صباح الخير عروستي
مريم : اكرهك
رحمن : بس اني احبج
مريم : مااريدك
رحمن : المطلوب مني شنو ؟
مريم : سكوتك بس
رحمن : مااكدر اتحمل وأنتِ بعيدة عني كافي بعُد
رحمن : سهامك بالگلب صابن ولا حن
وگلبي ما بجى لغيرك ولا حن
بسبب حبك صرت شاعر ولا حن
وكمت احن للمايحن گلبة علية
مريم : عساك بوجعي وتحس بنار گلبي من تفقد شخص تحبه
رحمن : ما شفت من حياتي شي حلو غيرج مريم
مريم : اكره اسمي بصوتك اكره نظراتك الي اكره كلامك كلك على بعضك ما تهمني سبحان الله الي طلعك من گلبي وصرت مااشوفك ولا شيء
رحمن : بلا رد
مريم : اكو شغلات الله يشوفها النه بس احنه نرفض نصدكها لان گلبنا يرفض هالمقابيل بهل النذاله بس رب العالمين يمدنا بأشارات للناس الي تحب تشوفنه بخير والعكس هم
الناس الي تفرح لنجاحنا والناس الي تخاف انو
ننجح الناس الي احنا مو يمها وتحس انو احنا خطر عليها ودنتنافس وياها
الله رحيم بينا ف دائما بالاوقات الصعبة تمر بيها وتحس هل الشي مو وقتة وأنت مضغوط بس الله يكشفلك حقيقة أحد بحياتك اكيد مارين بهيج بشي ..؟
اذا أنتو سباع او سباعيات هنا وگولوا لهل الشخص بلوك واقعي مو افتراضي من كلشي
ولا توهمون نفسكم بالفرص الي غالباً ما يستحقها والي ما يريدني ربحة ما تعنيلي خسارته
مريم : رجعت نمت اهرب من واقعي وحسيت صارت ب 10 الصبح وسمعت صوت ام رحمن ادك الباب
ام رحمن : يله عرسان جوعانة اكعدو
رحمن : صباح الخير يمة
مريم : صباح الخير يمة
ام رحمن : وانه امج فدوة لمصباحج
مريم : رحت بستها
رحمن : واني مالي حصة جمارتي
ام رحمن : تأدب لا كدامي خل اغمض هههه
مريم : اباوع عليها مفتحة عين ومغمضة عين وتضحك ماردت انجبرت ابوسه كدام امه اول ما تقربت هو باسني بخدي انتفضت بس مااكدر اسوي شي كدامها
