هاجسي وافكاري شاغلها غرامه

Part 8

بارت بمناسبة الثلاثه الف قارئ و السنه الجديده✨✨✨

اذا كان التصويت عالي والتعليقات كثيره بكتب البارت اسرع وانزله...

✨سنه سعيده عليكم يارب✨

-------------------------------

بعد ما طلب سعود من اريام انها تسافر معه عضت على شفايفها بصدمه من طلبه و تنفست بسرعه

اعطته ظهرها وهي تتوجه للبيت وكانت تفكر في هذه اللحظه بقرارها نادا عليها سعود اللي كان واقف باقي بنفس مكانه:"بروح لها الليله"

التفتت عليه اريام وهي تقول له:"انتظرني بجي معك"

جرت اريام للبيت وسعود كان يبتسم ماكان مصدق انها وافقت انها تجي معه

رفع سعود ثوبه الى اعلى خواصره قبل لا يجلس على الصدام ويمد ظهره على القزاز الامامي ويتكي براسه على يدينه اللي حطها ورا راسه

مد رجوله على الصدام وهو يناظر في النجوم اللي ملت سماء ليلته يحب يتامل كل شي نادر

قدر القمر وقدرت النجوم بع انهم يكونو جزء من الاشياء آللي يحب يتاملها وقدرت اريام وحدها انها تكون كل هذه الاشياء

همس لنفسه بنبره ثقيله  وهو يرجع شماغه وعقاله اللي على راسه لورا :"صارت تلعب بقلبي مثل لعب الهبايب في شعرها"

طلع جواله من جيب ثوبه يكتب لأمه رساله محتواها انه بيجيها وقال لنفسه بعد ما رجع جواله وحطه بجيبه:"لولا العيون اللي ترجتنا ما تعنينا لديارهم"

رفع راسه بعد ما شاف مازن ولد عمه رايح لجهة بيت صافيه وعرف انه رايح حتى يدوره  بعد ما سمع صوت جواله وعرف ان مازن هو اللي  يتصل عليه

رفع سعود جواله ياشر بنوره لمازن اللي اشر له  بالسلام من بعيد وهو جاي له يقول :"حي الله  يا ابو زيد"

رد سعود  عليه بعد ما جلس كونه كان متمدد:" بقيت والله بس التحيه مهب لي التحيه والترحيب لك انت كملك معد شفناك"

جلس مازن جنبه وهو يقول :" ماهقيت يا سعود ان الطب دربه صعب معد شفت حد بسبب الدراسه"

ربت سعود على كتفه وهو يقول:" ماعليه يا الدكتور اخر سنه لك شد حيلك وارفع روسنا"

مازن ابتسم وهو يتربع وقال :" هذا بس اللي مخليني اصمل"

رجع التفت مازن عليه يساله:" الا انت وين رايح كني لمحت ثوبك معلق في السيارة"