هاجسي وافكاري شاغلها غرامه

Part 15

هاي قايز واخيرا واخيرا بارت بس صدق هذه المره بارت طويل جدا الصراحه كنت بكتب واحد عادي من ٢٠٠٠ كلمه بس في وحده طلبتني اطوله وما هان علي اني اردها

المهم استمتعوا بالبارت ولا تنسوا تصوتوا وكثروا تعليقات لانيييي احبها واكثر شي تبسطني ابي تقيييمات بليز بليز اعطو البارت حقه تعبت وانا اكتبه وصدعت
________________________________

وكعادة اتخذتها عائلة سعود ومن زمان طويل في كل يوم جمعه لهم تجتمع العائله كلها  من بعد صلاة الجمعه في بيت صافيه او في بيت واحد من اولادها

ولكن هذه المره كان المكان اللي بيجتمعون   مختلف واختاروا انه يكون  في البلاد من بعد ما فرض احمد وناصر العقاب على اللي طلعوا من الديره من غير مايخاذون شورهم

من بعد صلاة الجمعه وفي اللحظات اللي كان سعود يكلم فيها اريام وصل عمهم ناصر للبلاد وكان يرافقه عياله وبنات اخوه احمد اللي ماكانوا من ضمن العقاب باستثاء ريماس اللي كانت موجوده من قبل

اما بالنسبه للاشخاص اللي كانو في البلاد من الليله اللي قبلها كان اجتماعهم في الخيمه يستقبلون ويضيفون اللي جو من الديره

دخل سعود الخيمه اللي كان فيها عيال عمامه وعمه ناصر بس من بعد ما انهى حواره مع اريام اللي كانت تصد عنه وتتهرب منه

مع انها كانت تتجاهله وتحاول تخفي مشاعرها عنه بس كان لحظتها سعيد انها جت وبادرت له حتى  بلحظة بزعلها اللي ماقدر يفسره كان مبسوط منها

تقدم يسلم على عمه ناصر لكن ماكانت غمزات وهمسات ماجد ومازن تخفى عنه استغرب سعود من نظراتهم له وابتساماتهم اللي كانت تتوزع له

قال ماجد من بعد ماصار يغمز لسعود اللي كان يسلم على راس ابوه :" ماشاء الله  عليك يا ابو زيد اشوفك مروق اليوم"

رفع سعود حاجبه وهو  يحاول يخفي ابتسامه كونه فهم توه قصدهم ومن بعد ما سمع صوت مازن اللي قال له :"شوي شوي على وجهك لاينشق يا الحبيب وانت مبتسم "

رد ماجد على مازن وهو يتنهد:"الله يرزقنا"

جلس بعدها سعود جنب مازن وهو يبتسم من غير مايرد عليهم لكن التفت على عمه ناصر بعد ما قال لمازن وماجد:"وشفيكم انتم؟"

كتف سعود ايدينه على بعض وهو يرد على عمه:" ماعليك منهم  ياعم الاثنين عليهم قل صحه"

قال مازن وهو عابس شفايفه:" طيب سعود ابي اكلمك"

التفت سعود على مازن  كونه كان جنبه وشاته برجله على خاصرته  وهو يهمس له:" عيدها وشوف وش يجيك"