هاجسي وافكاري شاغلها غرامه

Part 27

البارت كتبته وانا في المطبخ قعدتي فيه اثرت على البارت

تفاعلو في التعليقات بليييز اثبتوا وجودكم احب التعليقات بششششششكلللللللللللللللل
"احبها جدا"

"ما احلل نقل الروايه ولا نسخها ولا اي شي رجاء الموقف لا يتكرر لان منجد هذه المره بحذف الروايه لو تكرر"

__________________________________

ومن بعد ليلة امس اللي كانت مختلفه بمشاعرها ولا تشبه باقي ليالي سعود واريام من وقت ما اعلنوا مشاعرهم لبعض

بسبب اريام اللي خلقت الجفا في هذه الليله بينها وبين سعود من غير ماتحس على نفسها

ماكانت كلمات الهنوف واهلها بسيطه على قلبها كونها مدللة وادنى كلمه توجعها نامت ليلتها ودمعتها على خدها

وحالها ماكان مختلف عن سعود اللي اربكته هي بسبب بكاها و بقى لين مطلع الشمس يفكر بحواراته معها وتصرفاته شك لو كان هو مصدر ضيقها وزعلها

نسى همه وانشغل بلحظتها يفكر فيها وبسبب دموعها ما كان يرضى يلمح الضيق داخل عيونها شلون عاد لا خرت دمعها على خدها

في كل لحظه كان يرفع جواله يفكر يرسل لها لكنها طلبته انه مايضغط عليها

وقبل صلاة الجمعه ومن قبل الاذان دخلت صافيه غرفة البنات وهي تفتح الباب بقوه:"ترف قومي من النوم ابيك"

تاففت الترف وهي تحط المخده على عينها بسبب ضوء اللمبه من بعد ماشغلتها جدتها:" جده حرام عليك خليني انام"

تقدمت صافيه بعصاتها تقول:" قومي بسرعه محد يرقد للضحى الا الشياطين"

الترف:" تكفين انا شيطان بس خليني انام"

صافيه:" قومي ابيك بشغله قبل لا يصحى اخوك"

ضربت الترف كتف اريام وهي تهمس لها:"دام فيها اخوي هذه مهمتك انتي اجل"

ضحكت اريام بهمس وتجاهلت الترف اللي نفخت خدها بعد ماضربتها جدتها بخفه بعصاتها وهي تصرخ:"ماتسمعين انتي"

فزت الترف من على الفراش تحاول انها تبعد جسدها عن عصاة صافيه:"اسمع مايحتاج تدخلين عصايتك في علاقتنا"

صافيه:"خلي الكلام اللي ماله داعي وروحي بيت احمد وانشديهم اذا عندهم نشا"

رفعت الترف حاجبها باستغراب:" وش تبين بالنشا لايكون تسوين ماسكات"

صافيه:"امنعينا من ثقالة الدم و روحي جيبي نشا كوي بكوي شماغ اخوك قبل لاياذن"

اؤمت الترف براسها وهي تتافف وتسحب عبايتها من ورا الباب بعد ماخرجت جدتها من الغرفه

همست الترف بخفه :" طيب قولي لسعود يروح يجيب لنفسه"

رفعت اريام جسمها بعد ماكانت متمدده وهي تضحك:"سكري اللمبات معك وانتي طالعه بس"