هاجسي وافكاري شاغلها غرامه

Part 18

كل عام وانتم بخير عيد مبارك ينعاد عليكم بالصحه والعافيه

هذه عيديتي لكم بعد قطعه وشهر كامل غايبين عن بعض

بارت خفيف لطيف يارب تستمعوا فيه

__________________________

وفي نفس اللحظه اللي وجهت اريام يدها على وجهه سعاد حتى تضربها كان سعود واقف عند الباب مصدوم بسبب المنظر اللي كان قدامه كونه حضر المشهد قدامه وشاهده بعينه من غير ما حد يحكيه

وسع سعود عيونه  من صدمته بسبب تصرف اريام الجريئ ماتوقع بلحظه انها ممكن تمد يدها على اي احد وانها تضرب

تعود على كونها دائما رقيقه قدامه وناعمه و تاكد بلحظتها ان هذا التصرف ماطلع منها الا بسبب شي كبير سوته عمته سعاد استفزها وخلاها تعصب لدرجة انها تضربها

مرت على الواقفين فتره هدوء بعد كف اريام من صدمتهم وكانت اريام نفسها بهل اللحظه واقفه قدام سعاد بخوف و ندم بسبب ردة فعلها السريعه اللي سوتها من غير تفكير ومن غير ما تشاور عقلها

بس صحهم من هدوئهم صوت سعاد اللي صرخت وهي حاطه كفها اليمين على وجهها تمسكه وهي تقول  :"الله يكسر يدك يا بنت الكلب تضربيني فوق قلة ادبك"

حطت  صافيه ايدها على راسها تمسكه بسبب صوت سعاد اللي صارت تصرخ على اريام اللي كانت واقفه قدامها بتوتر وهي تعض على اصابع يدها بخوف

ناظر سعود في عمته اللي كانت تصارخ على اريام ورجع يناظر في اريام اللي كانت واقفه و خايفه

حاول سعود يكتم ضحكته و تحمحم  حتى يحاول يخفي ضحكته بسبب ملامح اريام اللي كانت خايفه

ناظرت اريام في سعود بعد ما سمعته يتحمحم وشهقت بخوف بعد ما استوعبت انه موجود و شافها وهي تضرب عمته

عضت على شفايفها بندم وهي مغمضه عينها وتدعي بداخلها ان اللي واقف قدامها خيال مو حقيقه

ولا قدر بعدها سعود  يخفي ضحكته اكثر بعد ما ناظر في الترف اللي كانت جنبه واقفه تضحك بهمس وانفجر بعدها هو يضحك بصوت عالي

رفعت سعاد حاجبها بغضب  بسبب سعود والترف اللي كانو يضحكون وقالت بعد ما كتفت ايدينها على خصرها:"وش اللي يضحك فرحانين على قلة ادبها والله لاربيها "

وبسرعه رجعت بعدها اريام على ورا تجري  بعد ماشافت سعاد تتقدم منها وتحاول تمسكها حتى ترد لها الكف

صرخت صافيه على سعاد اللي كانت تلحق اريام في الصاله:" اتركي البنت في حالها انتي اللي دليتي تتكلمين عليها"

اشتد غضب سعاد بعد ماشافت ان حتى امها مو واقفه معها وكانت تدافع عن اريام  وقالت سعاد وهي تهدد اريام بيدها:" وقفي والله لارد لك الكف كفين"