هاجسي وافكاري شاغلها غرامه

Part 10

اسرع بارتينن هو واللي قبله مابينهم يومين كيفني بس؟

المهم تفاعلو عشان اتحمس وانزل اللي بعده بسرعه كمان

-----------

بعد ماخرجت اريام من الفندق ركبت سياره سعود اللي كان ينتظرها على احر من الجمر

قال لها سعود بعد ما ركبت جنبه:" تغديتي؟"

اؤمت له اريام برأسها وهي تقول:" اي الله يكثر خيرك"

رد عليها سعود وهو يسوق سيارته وقال :" مهب واجبك يا اريام لكن تبشرين بالعوض"

ضحكت اريام وهي تربط حزام الامان توجهه سعود بعدها للسوق يقضي واكتفت اريام بانها تجلس في السياره تنتظره بدون ماتنزل معه

حركو بعدها لبيت خالة سعود كون امه تسكن عندها نزل سعود من السياره ومن الجهه الثانيه نزلت اريام وهي تشيل بيدينها جزء من عدد الاكياس اللي كان يشيلها سعود

كان من بينها هدايا لامه واغلب الاكياس اللي كانت مع سعود كانت هدايا  لاخوه من بينها العاب وملابس وهدايا لاخته المولوده

وقف سعود قبال باب بيت خالته شقيقة امه وهو يتصل على جوال امه حتى ترسل له احد يفتح له الباب

بعد دقيقه اول اقل حتى من دقيقه انفتح له باب الحوش من قبل  اخوه مالك اللي جاء لهم وهو يركض بفرح بعد ما قالت له امه ان سعود اخوه جاء

انحنى سعود بطوله  يجلس على الارض وهو يفتح حضنه  لمالك اخوه اللي قال لسعود بلهفه:" اشتقت  لك ليش من زمان ما جيت عندنا"

ضحك سعود وسلم على راس مالك اخوه قبل لا يرد عليه ويقول:" وانا بعد مشتاق لك امي موجوده داخل"

اؤما مالك لسعود وهو يحط راسه على كتفه وقال :" ترى امي زعلانه عليك"

ابتسم سعود وهو يمسح على راس مالك  قبل لا يشيله وقف وهو يقول:" حقها والله تزعل علي"

ناظر سعود في اريام  اللي كانت تبتسم لهم وبعدها ناظر في مالك اللي توه يلاحظ ان اريام  موجوده واستغرب من وجودها

سال سعود اخوه مالك :" في احد عند امي؟"

اومئ مالك براسه وهو يجاوب على سعود:" اي خالتي وبنات خالتي"

سعود:" اجل خذ لي طريق يا بطل وتعال"

اشر مالك على خشمه قبل لا يدخل البيت ضحك سعود على حركة مالك وهو يقول :" هذا وهو متربي برا"