هاجسي وافكاري شاغلها غرامه

Part 21

متحمسه اكتب البارت اللي بعده اذا شفت تفاعل بالتعليقات بكتب البارت بسرعه تفاعلوا قبل ينطفي حماسي
++
احب اكتب بارتات وانا اسمع اغاني اهدوني اغاني في الانستا🤌🏻🤌🏻 ذا حسابي a22ghd

___________________

كانو البنات يتجهزون او بالاحرى الترف هي اللي كانت تتجهز كون اريام كانت واقفه ورا الشباك تناظر في غرفة سعود  وهي حاطه راسها على الشباك ومكتفه يدها بقلق

ندمت اريام كونها تركته بالغرفه وحده كانت مستعده انها تطلع وتجلس حوله حتى ولو انها بتنفضح قدام جدته

لوت شفايفها وهي تناظر في غرفته بندم لكن شافت  ماجد ومازن يدخلون عند سعود وشهقت بعد ما شافت صافيه تخرج من غرفه سعود

قفلت الشباك بسرعه حتى ما تلاحظها صافيه انها تراقب و رجعت الستاره على الشباك وهي تتنفس براحه

دخلت صافيه بهذه اللحظه الغرفه على البنات وهي شايله عبايتها على مرفق ايدها وهي تتكلم بنبره سريعه وقالت:"اطلعو بسرعه مازن ينتظركم في السياره"

استغربت الترف بعد ما شافت جدتها شايله عبايتها وسالتها :"جده وين بتروحين مع الصبح؟"

ردت عليها صافيه تقول:"بروح انا وماجد نودي سعود للمستوصف اخوك طايح على وجهه من سخونته وانتي ماتدرين "

عضت اريام على شفايفها وهي تناظر في الترف اللي وجهت عيونها على اريام من وقت ما نطقت جدتها باسم سعود

كانت الترف عارفه انها بتلاقي دموع اريام متجمعه داخل عيونها قالت لجدتها حتى تطلع من الغرفه قبل لا تفضح اريام نفسها:"يالله الحين بنطلع "

جلست اريام على السرير بعد ما خرجت صافيه من الغرفه وهي تتنهد وتغمض عينها تقاوم دموعها بعبوس

ابتسمت الترف و جلست على الارض قدام اريام وهي تقول:"اريام شفيك قالت انه مسخن بس اكيد ان مافيه شي"

ماقدرت اريام انها تحبس دمعتها اللي تمردت من عيونها  وسقطت على خدها

ابتسمت الترف بنعومه وهي تمسح دمعة اريام وقالت :"ياحظ سعود دامك تحبينه لهذه الدرجه"

همست اريام بنبره رقيقه ترد على الترف:"صدقيني انا اللي محظوظه فيه"

سحبت الترف خدود اريام وهي تقول:" يالله يا اريام ما اصدق انك كبرتي وصرتي تحبين توك كنتي نونو متى امداك تكبرين كذا "

ابتسمت اريام بنعومه وهي تغمض عيونها و وقفت الترف وهي تضحك وتقول:"والله اخوي طلع مو سهل"

ضربت اريام صدر الترف من خجلها وهي تهمس :"بنتاخر"

ضحكت الترف  وسحبت جوالها من على التسريحه باستغراب من الرسايل  اللي كانت تجيها ورا بعض بدون توقف