Bad Boy To My Boy [ Completed]

EP-3

" မေမေ..ဂျီမင်းအိမ်ထဲမှာရှိလား "

ထယ်ယောင်း စက်ဘီးကိုအပြေးနင်းလာကာ အမောပင်မဖြေရသေး ဂျီမင်းမေမေကိုတွေ့သဖြင့်မေးလိုက်ခြင်း။ ဒီနေ့သူငယ်ချင်း ၃ ယောက် ရုပ်ရှင်အတူသွားကြည့်ဖို့ တိုင်ပင်ထားကြတာ။

ထယ်ယောင်းနဲ့ဂျီမင်းက စက်ဘီးဖြင့် ထယ်မင်တို့အိမ်ကိုသွားခေါ်ပြီး ရုပ်ရှင်ရုံကိုသွားမှာ။ ဒါပေမယ့် ထယ်ယောင်းအိမ်မှာ လုပ်စရာလေးလုပ်နေတာနဲ့ နောက်ကျသွားရသည်။ ထို့ကြောင့်လဲ အမြန်နင်းလာခဲ့ရတာပေါ့။

" အော်..မင်းသူငယ်ချင်းက စူပုတ်ပုတ်နဲ့မကြာသေးခင်ကပဲ စက်ဘီးတစ်စီးနဲ့ထွက်သွားပြီ "

" သွားပီလား "

" အင်း..သိပ်တော့မကြာသေးဘူး ..အမြန်လိုက်သွားလိုက် "

" ဟုတ်ကဲ့ ကျွန်တော်လိုက်သွားတော့မယ် "

ဂျီမင်းမေမေကို သေချာပင်နှုတ်မဆက်ခဲ့တော့ပဲ စက်ဘီးကိုအမြန်နင်းကာ ရှေ့ကထွက်သွားပြီဆိုသူနောက်ကို လိုက်ရသည်။ သေချာတယ်! ထယ်ယောင်းနောက်ကျလို့ စိတ်ဆိုးသွားတာ...

အမြန်နင်းလာခဲ့ရင်း ရှေ့မှာတွေ့ပါပြီ ကျွန်တော့်ကိုစိတ်ကောက်သွားတဲ့ဖက်ထုတ်လေး..

တရွေ့ရွေ့နဲ့စက်ဘီးကိုတွန်းနေတာ..ထိုနေရာက အနည်းငယ်အမြင့်တတ်ရတော့ သူကဆင်းတွန်းနေကျ။ အမြန်မှီအောင်နင်းလိုက်ပြီး

" ဂျီမင်း...စောင့်ပါအုံး...ဟူး! မောလိုက်တာ "

ထယ်ယောင်းအော်ပြောလိုက်ပေမယ့် သူကလှည့်တောင်မကြည့်ပဲ ဆက်တွန်းနေဆဲမို့..

" ဂျီမင်း အိမ်မှာလုပ်စရာလေးနည်းနည်းရှိလို့ နောက်ကျသွားတာပါ..စိတ်မဆိုးနဲ့တော့ "

" မင်းတို့အိမ်မှာ အလုပ်သမားတွေ ဘယ်လောက်များလိုက်လဲ "

" အလုပ်သမားတွေများပေမယ့် ငါကိုယ်တိုင်လုပ်မှ ရမှာမလို့ပါ "

" ထားပါ..ငါအဲ့ကိစ္စ စိတ်ဆိုးနေတာမှ မဟုတ်တာ "

ပြောရင်း..လိုက်မမှီအောင် အမြန်တွန်းသွားသဖြင့်..

" စောင့်ပါအုံး..ဘာကိုစိတ်ဆိုးတာလဲ ပြောလေ။ ငါသေချာရှင်းပြမှာပေါ့ "