Make You Mine Season 2 | Heartful Academy 1

Chapter 5

TIAN MARTELL

KAKAPASOK lang namin sa gate ng aking bahay at kanina pa tawa nang tawa sina Vincent at Blue halatang ang saya-saya nila makasama si Haku. Iba ang tawa nila na parang mga batang mahinhing tumatawa na parang kinikilig.

Napabuntong hininga lang ako. "Jusko, ang aasim niyong lumandi..."

Kanina pa ako sa likod nila at nauumay na ako kakatingin sa kanilang dalawa na parang away ng bitawan si Haku, pariho nilang hawak ang magkabilang braso ni Haku at panay ang sabi nila ng mga pick up lines dito pero walang reaction lang si Haku dahil hindi naman talaga sila nakakatuwa.

"Haku, alam mo kanina pa tahimik dyan sa likod si Tian, pero pinapatay na 'yan ng selos..."

"Oo nga, malamang gusto na kaming suntokin nyan, naiinip na 'yan dahil hindi ka niya mahawakan..."

Napikon na nga ako sa hindi magandang biroan nilang dalawa at tinatawanan pa nila ako kaya hindi na ako nakapagtimpi, agad akong lumapit sa kanila at dali-dali kong inalis ang mga kamay nilang nakahawak sa magkabilang braso ni Haku

Ako ngayon ang humawak sa braso ni Haku. "Dyan na nga kayo..." dali-dali kong hinila si Haku papasok ng bahay at agad kong isinara ang pinto.

Hinayaan ko lang sa labas sina Vincent at Blue na kumakatok pa pero naririnig ko pa rin ang tawa nila. Inis kong nilingon si Haku. "Bakit ka ba kasi sumama dito?! Ilang pages ba 'yang mukha mo, ang kapal mong magpunta dito!" Panggigigil ko sa kanya.

Sa kabila ng galit ko ay nakita ko pa rin siyang dahan-dahan na ngumi-ngiti bagay na ikina-inis ko, kaya dahan-dahan kong inilapit ang mukha kong nangangalit sa kanya. Habang nanlilisik ang mga mata ko sa kanya mukha pa rin siyang kalmado.

"Bakit ang hilig mong ilapit ang mukha mo sa 'kin, gusto mo ba akong halikan?" Napalunok ako sa naging tanong niya, bigla akong nakaramdam ng kaba.

Naririnig ko ang tibok sa dibdib ko at unti-unti akong nanghihina habang nakatingin ako sa kalmadong mga mata niya. Ngayon ko lang na-realized na ang lapit pala talaga ng mukha ko sa kanya na halos magtama na ang mga labi namin.

Dahan-dahan ko inilayo ang mukha ko sa kanya at ilang oras din akong natahimik. Nakayuko lang ako at hindi ko siya magawang tignan. Pero naramdaman kong mukhang magsasalita siya.

"And why you kept holding my hands? Parang ayaw mo na akong pakawalan." Mukhang natawa siyang nagtanong.

Nanlaki ang mga mata ko at dali-dali kong tinignan ang magkabilaang kamay ko at halos mahulog ang panga ko nang makitang hawak ko pa pala ang isang kamay ni Haku. Muli ko siyang tinignan at nakangiti pa pala siya sa 'kin kaya dali-dali ko siyang binitawan.

"Diputa ka talagaaa!" Malakas ko siyang itinulak kaya bumangga pa siya sa pintoan pero maypa-ngiti-ngiti pa rin siya sa 'kin. "Tinatawa-tawa mo dyan...? Hindi bagay sa 'yo, mukha kang ulol..."

Ang gago ay mukhang ayaw pa rin akong tantanan, dahan-dahan siyang lumalapit sa 'kin. "So why you locked the door? Seems you want to solo me." Nakangiti siya ngayon. "Don't worry baby, I'm only yours."

Halos masira ang mukha ko pero sinusubukan kong hindi matawa. "Yes darling, I want you..." pinilit kong ngumiti at dahan-dahan akong lumayo sa kanya.

Lumapit ako sa sofa at dali-dali kong kinuha ang isang pillow at kaagad itong pinagsasapak sa kanya. "I want you to get out of here!" Pinagsisigawan ko siya habang walang tigil kong pinagsasapak ang dibdib niya ng pillow.