يقولون في عيلتنا ومن قبيله معينه وذات قرابه معنا لازم تتزوجين ابنهم الأكبر عشان يصير في من نسلهم عندنا ونسلنا عندهم وإنجبرت اتزوج أول حفيد عندهم وابن شيخ القبيله....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الا بديت اسمع صوت صراخ اخواني مع بعضهم حسبتهم يتغشمرون مدري ما اكترثت شويتين الا اخوي عبد الرحمن دق الباب ودخل أعطاني ابتسامه صفره وما حسيت براحه الا قال عبد الرحمن: الله بالخير شقاعده تسوي؟؟ ابوي يبيك . عرين: هلا منجد ؟؟ متى جيتو ؟؟ . عبد الرحمن: من شويتين يله تعالي ...
قمت واحس بنغزه فقلبي لسبب مجهول نزلت الا اشوف ابوي جالس بحد امي وجالس جلسه المهموم مغطي جبهته بيده واخواني جالسين نفس الجلسه دخلت
عرين: يعيطكم العافيه شفيكم كذا ؟؟ في شي ؟؟ ...جلست جنب ابوي وبسته على راسه مثل عادتي طالعت خالد الا وجهه احمر وما حد يتكلم بديت اتوتر وبغير ارادتي انهمرت دموعي عرين : شفيكم ؟؟؟ ليه كذا متوترين ليه كذا تطالعوني خالد شفيكم ؟؟؟ خالد : كل ماهونالك.. قاطعها ابوي وقال بعصبيه ابوي : انت قفل فمك ولا تدخل امشي انقلع انت واخوانك برا يله .. مسحت دموعي وطالعت اخواني وهم يخرجون من الغرفه والشر بين عيونهم
ابوي : ابوي عرين شلونك يا حبيبه ابوك عساك طيبه لا تكون امك ضايقتك أو شي هههههه( قال كلماته وهو يطالعني بعيون تدمع ونبره فيها غصه )..
عرين: لا امي مالها مثيل الحمد لله اكون سعيده يوم اكون حولكم .. ابوي : الحمد لله شوفي يا عين ابوك انتي درستي وكبرتي قدام عيوني ودخلتي الجامعه وتخرجتي وشفتك اجمل خريجه ولله الحمد لكن انتي تدرين كل بنت فبيت ابوها الا ميجي شخص ويحصل عليها مثل اللؤلؤه في باطن البحر.. (ماكمل كلامه ودار وجهه لأمي الا امي تقول )..
امي : اي كلام ابوك صحيح بعدين يا حبيبتي انتي الحين عمرك مناسب لزواج الحين انتي بتدخلين 26 سنه انا تزوجت ابوك وانا أصغر منك (قالت آخر كلماتها محاوله تلطف الجو ) ابوي : كلام امك صحيح وانتي تدرين اني ما احُب اغصبك على شي لكني أعطيت الشيخ ابو عبد العزيز كلمه قدام الله وخلق الله انك حليله لولده عبد العزيز لا تفشلينا انا واخوانك قدام القبيله وادري انك عاقله وبتتفهمين الموضوع .. شويتين الا اخوي خالد يدخل ويفتح الباب ويقول قدام ابوي بصوت مرتفع على غير عادتهم ...
خالد : هذي اختي الوحيده وغاليه علي وقلبي ما يطاوعني اني ازوجها لذاك النذل عبد العزيز ولله ما ياخذها مو بكيفه ولا بكيف ابوه .. طالعه ابوي بغضب وقام واعطاه ذاك الكف قدامي انا وامي واخواني مسكه من قبه الثوب حقه وقاله وهو يصك على اسنانه ابوي:شوف يا ولد طول ما انا عايش مالك كلمه او سلطه على اي حد هنا انا أعطيت كلمه وبتتنفذ غصبا عن الراضي والزعلان تفهم ولا لاء ودفه على لارض بقوه وانا بعد كذا ما قدرت اتحمل جلست ابكي بقوه وقمت وقفت قدام ابوي وقلت وانا منهاره.. عرين:خلاص يبا تكفى سيبه انا ما ابي ذاك الي اسمه عبد العزيز دامكم مو حابينه مابيه شف المشاكل الي صارت على طاريه تكفى سيب خالد ترا ماله ذنب الي تضربه كل هذا الضرب طالعت اخوي خالد ساعدته يوقف وحضنته ودفنت راسي تحت شماغه الي فكل مره اشم ريحته فيها احس بالطمئنينه والسكينة بادلني الحضن لوهله وقال بإنكسار
خالد : سوي الي يقول عنه ابوك .. امي :خالد خلاص يمه اسمع كلام ابوك لا تعاند الله يهداك
طلع اخوي طالعت امي وابوي واخواني وخرجت لغرفتي وانا ابكي قفلت الباب وجالسه ابكي بحرقه كل هذي الحياه الجميله المبسوطه فيها مع ابوي واخواني وامي بتخفي بمجرد ما اتزوج من ذاك الي ما يتسمى ؟؟ ليه ليه من بين بنات الشيوخ ليه ؟؟ ... بعد مرور اسبوعين والاتفاق على النظره الشرعيه يوم الخميس بيجي اهو وأمه وابوه ... جالسه على ابكي وما حضرت نفسي ولا ابي البس ولا احط ميكاب حتى شوي ودخلت امي بتطمن امي : اشبك ؟؟ ليه ما حضرتي نفسك ؟؟ الجماعه على وصول يا عرين يا حبيبتي الله يهدياك خلاص انتي الحين كبريت وصرتي عروس ولازم تتزوجي انت بنت الشيخ محمد آل فيصل ولازم تتزوجين ابن الشيخ مو مثل باقي البنات زوجك ما شاء الله عليه وسيم وابن حلال والأهم من كذا ابوك يحبه واهو يحب ابوك ..( طالعتها وانا ابكي )
عرين : بس اخواني ما يحبوه ليه اتزوجه ؟؟ امي : يا حبيتي الله يرضى عليك اخوانك مع الوقت بحيبوه وانتي بعد ما يعرفك زين بيحبك اكثر من نفسه لكن بشطارتك (وغمزت فأخر كلامها)..
طلعت امي وقمت وغسلت وجهي ومع العلم انا منقبه تنقبت بعد ما أنهيت الجامعه.. قمت وسويت ميكب خفيف وبسيط البس عبايتي ونقابي وأخذت نفس وجلست على سريري شويتين الا دخلت امي تقولي انهم وصولو
امي : ليه لابسه النقاب ؟؟ عرين : لا ما ابي اكشف وجههي يوم نقعد عقد القران بيشوف وجهي غير كذا ما عندي امي : مثل ما تبين ... نزلت الا امه جالسه مع امي وباين عليها طيبه وحنونه مثل امي استقبلتني بالاحضان قالت بحب : اشبك يا حبيبتي ليه لابسه النقاب ؟؟
عرين : اشفه يا خاله ان شاء الله اذا تم النصيب بعد الخطبه بفكه .. ام عبد العزيز : زين فكي خلي اشوف جمالك .. قمت فكيت النقاب الا تطالع وجهي بدهشه قامت وحضنتني وباستني بعشوائيه وهي فرحانه قالت نياله نايله عبد العزيز فيك ماشاء الله حولك اميره اميره نا شاء الله على تربيتك يا ام خالد ... قمت ولبست النقاب ونده علي اخوي عبد الرحمن قبل لا ادخل اخذت نفس عميق ودخلت ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
