يقولون في عيلتنا ومن قبيله معينه وذات قرابه معنا لازم تتزوجين ابنهم الأكبر عشان يصير في من نسلهم عندنا ونسلنا عندهم وإنجبرت اتزوج أول حفيد عندهم وابن شيخ القبيله....
اتمنى تتفاعلو وتنشروا روايتي هذي اذا عجبتكم لان حاولت اني استخلص موضوع جديد🌚🌚 مو موجود بكل الوتباد اتمنى يعجبكم ❤️❤️😘
(تدور الأحداث باللهجه السعوديه )
دخلت واسير خلف اخوي عبد الرحمن وبعدني ما شفت لا عبد العزيز ولا ابوه شوي وجلس اخوي وقفت قدامه وقدام ابوه وابوي الرجال ما أعطاني اي إهتمام كان جالس وماسك جواله الين ما سلمت على ابوه وعلى ابوي الا قال ابوي له
الشيخ محمد : عبد العزيز قم اجلس انت وياها على ذيك الكنبه .. عبد العزيز : ان شاء الله ..
طلع ابوي وابوه وجلس اخوي عبد الرحمن قدامنا بضبط جلست بهدوء شوي وجا جلس قدامي وبيننا مسافه رفعت رأسي وكان هذا اول تواصل بصري بيننا حسيت بشي غريب قلبي يدق بسرعه وحسيت بالحر ولوهله حسيت بدوران خفيف قاطع ذاك التواصل الا قال .. عبد العزيز : ليه تطالعيني كذا ؟؟ شماغي مب ضابط ؟؟ (قالها بغرور ). عرين : اي لا ضابط اعذرني بس متوتره .. عبد العزيز: اي وش اسمك تكلمي ..(قالها بنبره ما عجبتني ). عرين : اي اسمي عرين وعمري 26 درست في جامعة الملك عبد العزيز وتخصصي محاسبه لكني ما توظفت لأن الحمد لله مب حاجه وانت كلمني عنك ؟؟.. عبد العزيز: اسمي بأسم الملك حق جامعتك وعمري 30 وبدخل 31 قريبا اشتغل بتجاره السيارات ومكمل جامعه فنفس جامعتك قلتلي اسمك عرين هاا!!(أنهى كلماته بنبره غريبه) عرين : اها عبد العزيز شف الصدف انا اسمي يبدأ بحرف العين وانت بعد واثنيناتنا درس فالجامعة نفسها .. قاطعني وقال بنبره خبث وهو يطالع عيوني
عبد العزيز: ليه ما شلتّي النقاب ؟؟ هذي نظره شرعيه . توترت احسب عبد الرحمن منتبه لكلامنا طالعته الا هو فجاواله فعالم موازي ... طالعته بنظره غرور وقلت بكل ثقه .. عرين : الي يبي يحصل علي يتعب بالأول على شان يحصل علي .. عبد العزيز: يعني ؟؟ عرين : يعني بتشوف وجهي فالخطبه يوم يتم العقد الوالده شافتني وانا ما ابي اخلع نقابي الا بعد العقد . عبد العزيز: لنك ما لحقتي تحطين ذاك المكياج وتعدلي شكلك الي يخرع (قال كلامه بستهزاء وهمس بأخرها) . انصدمت شوي ودموعي بتنزل لكني قلت بنبره مرتجفه ورديت.. عرين : اسئل الوالده وهي تقولك اذا كنت بحاجه لميكياج او لاء حتى إذا تزوجتني تسريحتي ما بتلقى عليها ذاك المكياج مثل اي بنت وانا استخدمه الا فالمناسبات مب حاجته مب اسلوب هذا تتكلم فيه مع شخص اول مره يكلمك . عبد العزيز: لا تبدين رئيك علي لني ما اسمعله اساساً زواجي فيك كله لعيون امي وابوي مب حباً فيك ولابأخوانك وإن تلفظتي بكلمه من الي قلته والي طلع بيننا بتندمين حتى لو ما صار نصيب تفهمين ..
عيوني بدت ترغرغر وابي ابكي لكن جالسه اتجنب النظر له واسوي نفسي مو منتبه وجالسه اشوف صمته منتظ مني رده فعله قلت بهدوء وصوت مرتجف لني ما عدت افهم شخصيته وبديت ارتجف كعادتي وبديت احس بأعراض الرهبه الي أعاني منها يوم انام او اتوتر بديت احس بضيق فتنفسي قلت بصوت مخنوق..
عرين : ممكن تعطيني كأس مويه !! حسيت انه انتبه لرجفه يدي ودموعي الي سالت بصمت قام أعطاني كأس المويه بسرعه درت وجههي وشربته قاللي ونبرته القلقانه خانته .. عبد العزيز : اشفيك ؟ ليه ترجفين؟ فيك شي ..جت عيني بعينه ولاحظ دموي الي تنهمر وقلت عرين: مافيني شي لكني اعاني من رهبه تجيني يوم اتوتر او انام بس كذا يفضل ننهي إلقاء الحين .. عبد العزيز: انزين عطيني رقمك مب حبا فيك لكن بيتم النصيب بيتم بتفاهم معاك على الجوال .. عرين: ********** عن إذنك ♡ جيت بقوم ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يتبع.... تفاعلوا بليز لاني جالسه اتعبلكم على سيناريوهات واحداث مره نار وجديده وبتنال اعجابكم ان شاء الله امياراتي❤️❤️😘😊
