زۆاجـّ بّـيـّنـّ عـّشـّائرّ

part48

رحت للمجلس وانا ارتجف من الخوف والتوتر دخلت وكانو اخواني جالسين وابوي يطالعني وعبد العزيز شارد ويناظر الارض ..

عرين: سلام عليكم..(بتوتر)

ورد السلام علي بس اخواني عبد العزيز وابوي سحبو علي ولا كأني موجوده عرفت وقتها ان خلاص كل شي صار مفهوم

جيت ببوس ابوي على راسه قام وسطر وجهي بذاك الكف الا قام عبد العزيز وسحبني بحيث صرت واقفه خلفه وقال وهو مكسور

عبد العزيز: لا ياعمي كل شي الا الضرب

ابوي : انت تدافع عنها بعد كل الي صار هاا بتسودي وجه ابوك واخوانك؟ وش هذي طلقني ؟ ها ما ربيتك على قله الادب ذي يالي ماتستحي على وجهك! الي مثلك الحين عندها ٥ عيال والسادس على الطريق وش تحسبي نفسك بزر!! ما تردي ولله لوما زوجك موجود غير صراخك يوصل لآخر الديره ومايفكك مني غير الله(بصراخ)

انا بس ابكي ومصدومه ذا مو ابوي ذي اول مره يتكلم معي كذا  اخواني يبون يتدخلون لكن انا ادري انه بيهزئهم قدامي انا وعبد العزيز عشان كذا التزموا الصمت

عبد العزيز: خلاص يا عمي دامك كذا بتتفاهم مع الموضوع انا برد للبيت انا وعرين خلاص روحي بدلي

ابوي: يا ولدي شنو تبيني اقول غير كذا للي ما تستحي على وجهها ها؟

عبد العزيز: أدري يا عمي بس مو بضرب الله يحفظك

عرين: وانا مب طالعه من هنا ومو راده معاه لأي مكان لو بتذبحوني

ابوي: يا بنت الحين وش بيقولو الحين اهل القبيله عننا هاا؟ وش ذا الكلام الرجال من حقه يتزوج خلاص ربنا ما شاء انك تجيبين له عيال

عرين: وانا عرين ما اقبل على نفسي اني اكون خيار ثاني حق أي شخص كلامك على عيني وراسي يا ابوي ولكن ذا أمر يخصني انا وهو وانا قلت الي عندي دامه متزوجني على شان العيال الحريم يا كثرهم خله يروح ويتزوج بعد ما يطلقني بعد الوحده اربع انا مو معترضه ولكن ابي طلاق خلاص ذا قرار ما برجع عنه اما تحملت وايد أمور على حساب سعادتي وراحتي  ..

ناظرني عبد العزيز وماكان ذاك عبد العزيز الطبيعي وجهه مصفر وشاحب وعيونه محمره اكثر

كنت اتكلم وانا ابكي ودموعي تسيل...

عبد العزيز: دامك تبين كذا فالله يسير امرك ويحفظك أن شاء الله الي تبينه بيصير يلا سلام عليكم يا عمي وطلع جا ابوي بيضربني وقفوا اخواني حاجز بيني وبينه وهذاك اليوم اخوي خالد أصر واخذني معه لبيته ... وما ابشع ذيك الليله كنت ابكي بحرقه دخلت من مشكله وطلعت من ثانيه ودخلت على الي العن منها وطلعت بعد ما خسرت وايد أمور...

مر أسبوع ورقه الطلاق ما جتني ولكن عبد العزيز يراقب ستورياتي بصمت وخوانه وخواته كلموني على أمل اني ارد ولكن خلاص لو رديت بكون رخيصه بثمنه ذا قرار ما برجع فيه .. وبعد شهر ورجعت للبيت اهلي ارسلت للعبد العزيز الرساله الاتيه