اتمنى تتفاعلو وتدعموني وتعطوني رئيكم يكل شي لأن رئيكم يهمني ❤️❤️😉😘
قفل الخط فوجهي اخذت جوالي ورميته بقوه على الارض لدرجه ان كل الشاشه تكسرت جت امي تدق على الباب لكني كنت مقفلته..
امي: حبيبتي عرين فيك شي ؟؟ وش هذا الصوت
عرين: مافي شي امي صاح جوالي بالخطأ..
حطيت يدي على فمي أكتم شهقاتي ..
امي:طيب تجهزي لأن عبد العزيز اتصل فعبد الرحمن وقال خلعرين تجهز بيجي ياخذك تشوفون بيتكم ...صمت ..
Pav me : ليه يسوي كذا؟؟ ليه معذبني ليه قال ما يبي والحين بيجي وياخذني
وقال انه ما يحبني وكان بيتزوج بنت عمهend pav..
اخذت عبايتي وحجابي ونقابي ولبستهم بصعوبه مره ما اكلت شي وجسلت انتظره وفعلاً شويتين وسمعت امي تنده تقول انه جا .. نزلت وانا مره دايخه واحس بغثيان من شده الألم والقهر ..
نزلت وانا ثانيه يدي على بطني لأني مو قادره ابداً احركها ..دخلت وجلست فالسيارة بدون ما اتكلم ولا كلمه والي مريحني انه سيارته كانت مظلله يعني الزجاج كله لونه اسود ما يبان شي قال بنبره عصبيه..
عبد العزيز: وش فيك مافيك شي ليه تبين تروحين الطبيب وتتصلي وتطلبين اوديك الطبيب؟
...صمت
عبد العزيز: انتي مو سامعه .. قام ومد يده ومسك يدي الي دفني عليها وشدها بقوه وقال بعصبيه خلت حاجز الخوف يغطي عليه بنظري دايماً صارت نظرتي له انه وحش ودايماً اخاف منه : هذي يدك الي تعورك مافيها شي .. صرخت وزحت يده قلتله وانا ابكي مره ..
عرين: خلاص ما تبي تاخذني بروح لوحدي بعد عني ..وحاولت اخلي حيز بيني وبينه لصقت فالباب والشباك وابكي وانا مغطيه على عيوني..
عبد العزيز: طيب خلاص اهدي ..
Pav abd ulaziz: قسيت عليها مره وش كيف سويت فيها كذا الله ياخذني مسوي فيها القاسي وش بسوي الحين كل هذا بسبتي الله ياخذني خلي مقفل فمي احسن لي ولها مالها ذنب end pav
عم الصمت ومافي الا صوت شهقاتي فالسياره وحسيت انه حزن شويتين لأنه مره كان قاسي علي وصلنا المستشفى ونزل بسرعه وفتح الباب لي ما اعطيته اي إهتمام لأني شويتين واستفرغ من كثر التوتر والألم ...
مسك يدي لأول مره وسار معي خطوه بخطوه وانا ما انتبهت ابداً كنت بس ابي يختفي الوجع شويتين ودخلنا للعيادات حقت الطوارئ ودخلنا غرفه وجلست على السرير وقفل الباب وانا ابكي بصمت شويتين وجا طبيب حسيت بتوتر..
قام وقف قدامي قال ..
عبد العزيز: خير الله يعافيك؟؟
الطبيب: هلا شفيك بشوف المريضه شفيها؟
عبد العزيز: بالله منجدك انت انا ابي طبيبه او ممرضه حق زوجتي مو طبيب ..
الطبيب : يا اخوي هذا ما له دخل المهم اننا نعالج حاله المريضه ..
عبد العزيز: بتجيب الممرضه ولا أعالجها فمكان ثاني ؟؟ (بعصبيه)
الطبيب : الله يهديك طيب طيب ..
طلع الطبيب وعم صمت وطلع صوت شهقاتي رغم عني (التفت بعد ما سوى الإمائه الي قلتلكم عنها فالبارتات الي قبل)
عبد العزيز: شفيك يا بنت الحلال خلاص لا تبكين حقك علي ما توقعتها مره مؤلمه إهدي شويتين الله يهديك ... حسيته لأول مره يتكلم كلام يمسح على قلبي بدفئ..جت الممرضه وقلت لها عن مكان الألم وما قلت لها السبب وكذا ومن كثر ما انا متوتره بديت ارجف ونزل ضغطي قالت..
الممرضه: اهدي شفيك كذا فكي النقاب وريحي نفسك مافي غيري انا وزوجك ليه تبكي كذا؟؟ ما بقدر المسك الا يزم تهدين ..
قامت وجت بتفك النقاب وقال لها بنوع من نبره الإنزعاج...
يتبع....
أنت تقرأ
زۆاجـّ بّـيـّنـّ عـّشـّائرّ
Romanceيقولون في عيلتنا ومن قبيله معينه وذات قرابه معنا لازم تتزوجين ابنهم الأكبر عشان يصير في من نسلهم عندنا ونسلنا عندهم وإنجبرت اتزوج أول حفيد عندهم وابن شيخ القبيله....
