يقولون في عيلتنا ومن قبيله معينه وذات قرابه معنا لازم تتزوجين ابنهم الأكبر عشان يصير في من نسلهم عندنا ونسلنا عندهم وإنجبرت اتزوج أول حفيد عندهم وابن شيخ القبيله....
عبد العزيز:على اساس انك ما تجيبين عيال بس كذا (بعصبيه)
عرين: اي وليش اهم أطباء؟ ولا الي يرزق العيال؟(بنبره مكسوره) وبعدين تعال شلون بيجيني عيال وانت ما تمس امهم؟ انت مستهتروتهت علي؟ تسوق امها؟(ببكاء وصراخ)
ناظرني نظره غضب وستحقار
عبد العزيز: مو مبرر ولا ترفعين صوتك احسن لك ولاهلك !! عرين: تدري ايش رح حق اهلك وقولهم عرين مو لعبه تخلف لكم متى ما بغيتو ومتى ما بغيتو ما تجيب عيال ذا قرار راجع لي لي انا وبس انا الي اتحمل عناء الحمل وعناء الوحام والنفاس والولاده وانت شنو وأهم شنو ؟؟؟ تحسبوني عبده ولا ايش ؟؟؟؟؟ دام كذا ودني لأهليولاقيني فالمحكمه ...
طلعت للغرفه وانا ابكي ودموعي تشرر
ودخلت وقفلت الباب وجلست ابكي ... قمت وجيت بنام ما قدرت انام وانا قلبي يعورني لانه ما يرتاح بنومه على الكنبه قمت وفتحت الباب ورديت ونمت طول الليل وانا قلقانه وابكي بحرقه عانيت في ذي الزواجه اكثر من اي بنت ممكن تتزوج مثلها لكن من الي قاله ذا الكلام عمتي والبنات مستحيل يطلبون مثل ذا طلب انا متأكده ان راس الحيه عماته اي ودام كذا خل عماته والعيال ينفعونه تميت على ذي الحاله إلين ما سمعت اذان الفجر ودخل على الغرفه بتجاهه دوره المياه(الله يكرمكم)
وسمعته يشهق احسبه يتوضأ او شي زي كذا وما كترثت كنت بس ابكي بصمت واكتم شهقاتي بيدي طلع وبدأ يصلي وانا اسمعه يقرأ القرآن لكن صوته كان متهدج وزاد بكاي اكثر لاني ادري ان كل الي يصير غصبا عليه وينظاهر بالقوه وانه متقبل الموضوع خلص صلاه وسمعته يدخن الا قال
عبد العزيز: ها بتمين متظهاره بالنوم الين متى؟.
انصدمت ما كنت متوقعه انه يعرف اني باقي جالسه
عبد العزيز: بكيفك
وجا ونام جنبي ونام ثنيناتنا غصبا عليه وصحا ثاني يوم متأخر عن الدوام وطلع لوحده لأول مره من يوم ما تزوجنا .
