Unicode
ပြဇာတ်အဖွဲ့ဟာ တိုကျိုမှဗိုလ်မှူးရဲ့
ဧည့်သည်တော်များကို ဖျော်ဖြေနေကြရပြီး
ဂျီဆူးနှင့်ရူဘီတို့ကတော့
စင်ရဲ့နောက်ခြမ်းမှ ယာယီပြင်ဆင်ထားသည့်
နားနေဆောင်တွင် ထိုင်နေကြသည် ။
တစ်ချို့ပြဇာတ်ကလူတွေကတော့
နားနေဆောင်ထဲ နောက်ဖျော်ဖြေမှုအတွက်
ပြေးလွှား ပြင်ဆင်နေကြသည် ။
" ပြဇာတ်မကြည့်ချင်တာ
သေချာရဲ့လား အချစ် "
ရုတ်တရက် ရူဘီ့နှုတ်ခမ်းမှထွက်လာတယ့်
ရူဘီ့ရဲ့အမေးကို ဂျီဆူး
အသာအယာပြုံးကာ ရူဘီရဲ့
လက်ဖဝါးလေးကို ဆုပ်ကိုင်လိုက်ရင်း
" ရူဘီ့ရဲ့မျက်နှာလေးကို ကြည့်ရရင်ပဲ
ကိုယ်က ကျေနပ်နေပါပြီ "
သူ့စကားကြောင့် ခေါင်းတစ်ခါခါနှင့်
ပြုံးနေတယ့် ရူဘီ ။
" သူပဲ သိပ်တတ် "
ဒီအတိုင်း ပြဇာတ်ရုံနောက်မှာ
ရှိနေရုံနဲ့တောင် သိပ်လှပနေတယ့်
ရူဘီဟာ ဘာကြောင့်
စင်ပေါ်မှာမဟုတ်ဘဲ စင်နောက်မှာပဲ
ရှိနေတာလည်းဆိုတာ ဂျီဆူး
နားမလည်နိုင် ။
" ရူဘီ...ပြဇာတ်မကချင်ဘူးလား "
ဂျီဆူးရဲ့မေးခွန်းအဆုံး ရူဘီရဲ့
ပြုံးနေသောအမူအရာဟာ တည်သွားသည်
ကို ဂျီဆူးသတိထားမိလိုက်သည် ။
သူမေးခွန်းမှားသွားတာများလား...။
" အချစ်က ကြည့်ချင်လို့လား..."
" အဲ့တာထက် ရူဘီဘာလို့
ပြဇာတ်မကတာလဲ သိချင်မိတယ် ။
ပြဇာတ်ကရတာ အရမ်းပင်ပန်းလို့များလား "
ရူဘီဟာ ရုပ်တည်နေရာကနေ
ခပ်ဖွဖွပြုံးသွားတယ် ။ ပြီးတော့ ဂျီဆူးရဲ့
ပုခုံးပေါ်သို့ သူမရဲ့ခေါင်းလေးအသာ
မှီချကာ ဂျီဆူးရဲ့လက်ကို နူးညံ့စွာ
ဆုပ်ကိုင်လာရင်း
" ခန္ဓာကိုယ်ထက် စိတ်ပင်ပန်းတယ် အချစ်ရဲ့...။
ဘာကြောင့်လဲဆိုတာတော့ နောက်ကြုံရင်
အချစ်ကို ရူဘီပြောပြမှာပါ...။ ဒါပေမယ့်
အချစ်သာ ဆန္ဒရှိရင် ရူဘီဖျော်ဖြေပေးနိုင်ပါတယ် "
ရူဘီရဲ့ စကားလုံးတစ်ခုချင်းဆီက
မေးခွန်းသဖွယ်အတိ ဖြစ်နေခြင်းဟာ
ဂျီဆူးကို အတွေးများစေသည် ။ ဒါပေမယ့်
ရူဘီ့ရဲ့စကားလုံးတွေဟာပဲ ရူဘီဟာ
သူ့အပေါ် လေးနက်တယ့် ခံစားချက်တွေ
သိပ်များပြားကြောင်း ခံစားစေတယ် ။
