Unicode
" ကင်မ်ဂျီဆူးကကော
ငါ့ကို အဲ့လောက်ချစ်တယ်ထင်လား "
" ဗျာ..."
ရုတ်တရက် သူဌေးမရဲ့ အစအဆုံး
မရှိတယ့် မေးခွန်းကြောင့်
ဒီယိုလ် ကြောင်ပျောက်သွားရသည် ။
ကင်မ်ဂျီဆူး ဟိုမိန်းကလေးနဲ့
ပြန်သွားပြီးကတည်းက သူဌေးမက
တစ်ဖြေးဖြေး အရင်ပုံစံအတိုင်း
ဖြစ်သွားတာကို မြင်ရတော့
ဒီယိုလ် စိတ်မကောင်းဖြစ်မိသည် ။
အရင်ကထက် ပိုခက်ထန်သွားတယ့်
သူဌေးမက အရင်ကထက်လည်း
ပိုအထီးကျန်လာသည် ။
ဒီယိုလ်သာ လုပ်ပိုင်ခွင့်ရှိတယ့်
ရာထူးရာခံနဲ့ ယောကျာ်းတစ်ယောက်
ဆိုရင် ကင်မ်ဂျီဆူးဆိုတယ့်
မြို့တော်ဝန်ရဲ့တူမကို သူဌေးမဆီ
ပြန်ဆွဲခေါ်လာပေးချင်ပါရဲ့ ။
" ပထမဆုံးအနေနဲ့
ငါစိတ်မသက်မသာ ဖြစ်မိတယ် ။
ငါအဲ့တုန်းက လုပ်ခဲ့တယ့်
ကိစ္စကို ကင်မ်ဂျီဆူးသိသွားရင်
ဘယ်လိုတုံ့ပြန်လိမ့်မလဲ ။ "
" အဲ့ကိစ္စကို သူ့ကို
ပြောပြဖို့စဉ်းစားထားတာလား
သူဌေးမ "
ရူဘီဂျိန်းခေါင်းအသာခါမိသည် ။
သူမလုပ်ခဲ့တယ့်အရာအတွက်
နောင်တရတယ့် ခံစားချက်မျိုး
မရှိပေမယ့် ဂျီဆူးအပေါ်ကို
ဖုံးကွယ်ထားတယ့် အရာလို
ပုံစံမျိုး ရှိနေတယ်လို့ ခံစားရတာ
သူမအတွက် စိတ်မသက်မသာ
ဖြစ်စေသည် ။
ဒါပေမယ့် ဂျီဆူးကို
ဖွင့်ဟဖို့အတွက်တော့လည်း....။
" ငါကြောက်တယ် ဒီယိုလ်...။
ငါသူ့ကို ဘာမှ မဖုံးကွယ်ထားချင်
တာ မှန်ပေမယ့်...သူငါ့ကို
ကြောက်ပြီး ထားသွားမှာကို
ငါကြောက်တယ်..."
သူဌေးမဆီက ပထမဆုံး
ကြောက်တယ်ဆိုတယ့် စကားကို
ကြားရတာကြောင့် ဒီယိုလ်
အနည်းငယ် မှင်သက်သွားမိသည် ။
ကင်မ်ဂျီဆူးက အဲ့လောက်အထိတောင်
သူ့ရဲ့ သူဌေးမအပေါ်
သက်ရောက်မှု များသလား ။
သူဌေးမဘေးမှာ ရှိလာတယ့်
တစ်ချိန်လုံး သူဌေးမကြောက်ရွံ့
တယ့်အမူအရာပုံစံတစ်မျိုးတောင်
မတွေ့ဖူးပေမယ့် အခုတော့
စကားအထိ... ။
