Unicode
မနက်ကတည်းက
ရူဘီဟာ အပြင်ထွက်သွားတယ် ။
အလုပ်ကိစ္စနဲ့သွားတာမို့
ဂျီဆူးမနှောက်ယှက်ချင်တာနဲ့ အိမ်မှာပဲ
နေခဲ့လိုက်သည် ။
ညနေရောက်တယ့်အထိလည်း
ရူဘီပြန်မရောက်ပေးပါ ။ မြို့တော်ဆိုးလ်ကို
သွားမှာမလို့ နောက်ကျမယ့်အကြောင်းကို
တော့ ဂျီဆူးကို ကြိုပြီး
ပြောသွားတယ် ။ မြို့တော်ဆိုးလ်က
ရူဘီနဲ့အတူလိုက်သွားလို့ မဖြစ်တယ့်
အကြောင်းအရင်းတစ်ခုပဲလေ ။
ဒီမှာနေရတာက မြို့တော်ဆိုးလ်မှာနေသလို
ပျင်းရင် မြို့ထဲလည်းပတ်သွားလို့
မရပေ ။ ခြံထဲလမ်းဆင်းလျှောက်တော့လည်း
ဘေးနားမှာ ရူဘီမရှိတော့ ပျင်းစရာ ။
အနောက်ဘက်က အလုပ်သမားတွေနေတယ့် နေရာဆီ သွားရင်လည်း
ရူဘီပြန်လာတာနဲ့ လွှဲသွားရင်လည်း
မဖြစ်သေး ။
အဲ့တာကြောင့်မို့ ဂျီဆူး
အိမ်ထဲပဲပတ်ပြီး ကြည့်နေမိသည်။
ရူဘီ့ရဲ့နေအိမ်က အတော်လေး
ကျယ်သည် ။ ဂျီဆူးနေခဲ့တယ့် မြို့တော်ဝန်
အိမ်ယာလိုမျိုးတော့ မဟုတ်ပေမယ့်
ရူဘီတစ်ယောက်တည်း နေဖို့ရာကတော့
အထီးကျန်ချင်စရာ ကောင်းလွန်းတယ့်
အရွယ်အစားမျိုးပဲ ။
စာအုပ်ဖတ်ရင် ကောင်းမလား
အတွေးနဲ့ စာဖတ်ခန်းဝင်မယ်လုပ်ပေမယ့်
စာဖတ်ခန်းနဲ့ ဆန့်ကျင်ဘက် လျှောက်လမ်းအဆုံးက အခန်းကို အာရုံရောက်သွားပြီး
ဂျီဆူး ဦးတည်ရာ ပြောင်းခဲ့လိုက်တယ် ။
စာဖတ်ခန်းနဲ့ ဒီအခန်းက
တောင်စနဲ့မြောက်စ ဆန့်ကျင်ဘက်တစ်ဖက်ဆီ
မှာ ရှိနေကြသည် ။
တံခါးလက်ကိုင်ကအစ ဖုန်တွေတက်နေတာမို့
သန့်ရှင်းလုပ်တယ့်လူတွေက ဘယ်လိုများ
လုပ်နေကြသလဲလို့ တွေးမိသွားတယ် ။
ဂျီဆူး အကျီအိတ်ကပ်ထဲက
လက်ကိုင်ပုဝါနဲ့ တံခါးလက်ကိုင်ကို
သုတ်လိုက်တယ် ။ အထဲမှာလည်း ဒီလိုပဲ
ညစ်ပတ်နေမလားဆိုတယ့် အတွေးနဲ့
ဂျီဆူး တံခါးဖွင့်ဖို့တွေးမိပေမယ့်
သော့ခတ်ထားတာကြောင့် ဂျီဆူးရဲ့
အတွေးဟာ အလုပ်မဖြစ်လိုက်ပါ ။
ပြီးတော့ အရှေ့က
ကားသံကြားတာမို့ ရူဘီပြန်ရောက်ပြီပဲ
ဆိုတယ့်အတွေးနဲ့ပဲ ထိုအခန်းရှေ့ကနေ
ဂျီဆူး ထွက်လာခဲ့လိုက်သည် ။
