အခန်း 264- ကောင်းကင်တာအို၏ မူလစွမ်းအား
"ဘုန်း....!"
အားကောင်းသော စွမ်းအင်နှစ်ခုသည် တစ်ခဏအတွင်း ထိပ်တိုက် တိုက်မိသွားကာ ထိုနေရာမှ ထွက်လာသည့် စွမ်းအင်များမှာ ကမ္ဘာတစ်ခုလုံးကို ဖြတ်သန်းသွားသည့် ပြင်းထန်သော လေပွေတစ်ခုအလား ဖြတ်တောက်ပစ်လိုက်လေသည်။
ထိုအချိန်တွင် အရာအားလုံးသည် လေပွေကြီးထဲတွင် ဖုန်မှုန့်များအဖြစ်ကဲ့သို့ ဖြစ်ကုန်ကြတော့သည်။
မရေမတွက်နိုင်သော တောင်များပြိုကျကာ မြစ်ကြမ်းပြင်များ ကွဲအက်ပြီး မြစ်များ ခမ်းခြောက်ကုန်ခဲ့သည်။ အသူရာနဂါးလျှို့ဝှက်နယ်မြေတစ်ခုလုံး ပျက်သုဉ်းသွားသလိုပင် ဖြစ်ပေတော့သည်။
၎င်းမှာ တိုက်ခိုက်မှု၏ နောက်ဆက်တွဲသာ ဖြစ်သော်လည်း ၎င်းတွင်ပင် ကြောက်မက်ဖွယ်ရာကောင်းလှသော အော်ရာများ ရှိနေဆဲဖြစ်သည်။
လူတိုင်းမှာ ခေါင်းပင် မဖော်နိုင်တော့ပေ။ သူတို့သာ ထိုတိုက်ပွဲ၏ ဗဟိုနေရာတွင်ရှိနေလျှင် ၎င်းတို့သည် ဘာမျှမရှိသည့်အရာအဖြစ်သို့ ပြောင်းလဲသွားပေလိမ့်မည်။
ထိုခွန်အားများ၏ အစွန်အဖျားကိုပင် သူတို့ ခုခံနိုင်မည်မဟုတ်ကြောင်းကိုလည်း သိထားသည်။
အဆုံးမရှိသော စွမ်းအားများ၏ တိုက်ခိုက်ခြင်းကို မြင်လိုက်ရလျှင် လူတိုင်း၏ မျက်လုံးများတွင် စိတ်ပျက်လက်ပျက်ခြင်း အမူအယာများ ပေါ်လာ၏။
သူတို့ဖန်တီးထားသည့် ဝိညာဉ်စွမ်းအင် အတားအဆီးများမှာ အားကောင်းလှသော်လည်း ထိုစွမ်းအားကို တွန်းလှန်နိုင်စွမ်း နည်းနည်းမှ ရှိမည် မဟုတ်ပေ။
သူတို့အသိတွင် အမြင့်ဆုံးမှာ အင်ပါယာတစ်ပိုင်းအဆင့်သာ ဖြစ်ပြီး ဤကမ္ဘာပေါ်တွင် အားအကောင်းဆုံး ပညာရှင်များအဖြစ် သတ်မှတ်ခံထားရသည်။
သို့သော် ဤကောင်းကင်ပင်ပြိုကျစေသော စွမ်းအားကို ၎င်းတို့ပင် လုံးဝမခုခံနိုင်ခဲ့ကြောင်း ထင်ရှားစွာ တွေ့နေရလေသည်။
သူတို့သည် စိတ်ပျက်လက်ပျက်ဖြစ်ကာ ခုခံရန် စွန့်လွှတ်လိုက်ကြတော့သည်။
