ဂျောင်ကုတို့အဆင်ပြေသွားတော့ ထုံးစံအတိုင်းကြားလေမတိုးအောင်ချစ်နေတာမို့ အကုန်လုံးကမျက်စိစပါးမွှေးစူးနေကြတာမို့ အခုလည်း ဂျောင်ကုတို့နှစ်ယောက်ကလွဲပြီး ဆော့ဂျင်ဆိုင်တွင်လူစုံနေကြသည်။
"ဟိုနှစ်ကောင်ရော"
ဆော့ဂျင်က ဘားကောင်တာကနေ ၀ိုင်းထဲကိုလာနေရင်းမေးလိုက်သည်။
"ထားခဲ့တာ တမင်မခေါ်ချင်လို့"
"အေးအဲ့ဒါလည်းကောင်းတာပဲ မဟုတ်ရင်သက်သက်မဲ့မျက်စိနောက်အကုသိုလ်များနေရဦးမယ်"
ဆော့ဂျင်ကပြောလိုက်တော့ ဆော့ဂျင်စကားကို ဟိုဆော့ကထောက်ခံသည့်သဘောဖြင့်ခေါင်းညိမ့်သည်။
"အကို ထယ့်ကို တစ်ရှူးလေးယူပေးပါဦး"
ယွန်းဂီက သူ့ဘေးတွင်ရှိနေသည့် တစ်ရှူးဘူးလေးအားယူပြီးတစ်ရှူးတစ်ရွက်ယူကာ နှုတ်ခမ်းနားတွင်ပေနေသည်များကို သုတ်ပေးတော့ အရှေ့တွင်ထိုင်နေသည့် ဟိုဆော့က နှုတ်ခမ်းမဲ့ပြလေသည်။
ဆော့ဂျင်ဘေးနားရှိ နမ်ဂျွန်းက ဆော့ဂျင်နားကိုကပ်ကာ တိုးတိုးလေးပြောလိုက်တာကြောင့် ဆော့ဂျင် သောက်လက်စအရက်တောင်သီးသွားရသည်။
ထယ်ယောင်းကသူတို့ကိုအကဲခပ်နေရင်း မျက်ခုံးတစ်ဖက်ပင့်ကာ ဆော့ဂျင်ကို ဘာလဲဆိုသည့်သဘောဖြင့်မေးလေသည်။
"ဟင်လို့ အစ်ကို"
"တော်စမ်း မင်း"
" အစ်ကိုကလည်း ကြာနေပြီကို"
စပ်စုလွန်းသည့်ထယ်ယောင်းက တိုးတိုး ပြောနေသည့် သူတို့နှစ်ယောက် ကိုသည်းမခံနိုင်တော့တာကြောင့် ထုတ်မေးလိုက်သည်။
"နေဦး နှစ်ယောက်က အဆင်ပြေနေပြီလားမပြေဘူးလား "
"မပြေဘူး"
"ပြေတယ်"
ဆော့ဂျင်နဲ့ နမ်ဂျွန်းဆီကတစ်ယောက်တစ်ပေါက်ထွက်လာတော့ ထယ်ယောင်းရဲ့မျက်နှာကအမှုစစ်မျက်နှာထားဖြစ်သွားကာ ခြေနှစ်ဖက်ကိုဟန်ပါပါချိတ်ထိုင်လိုက်သည်။
YOU ARE READING
Centered Around the Heart (Completed)
Fanfictionအချစ်မပါတဲ့အိမ်ထောင်ရေးကိုမင်းကဘာတွေမျှော်လင့်နေသေးတာလဲ အခ်စ္မပါတဲ့အိမ္ေထာင္ေရးကိုမင္းကဘာေတြေမွ်ာ္လင့္ေနေသးတာလဲ
