ရက်မှလကူးပြောင်းလာသည့်အခါနွေအကုန်မိုးရာသီသို့ရောက်လာလေသည်။ ကုမ္ပဏီသို့သွားရန်ပြင်ဆင်နေသော ဂျီမင်သည် မိုးအခြေအနေကိုပြတင်းပေါက်မှတစ်ဆင့်ကြည့်လိုက်တော့ အုံ့ဆိုင်းလာသည့်တိမ်မဲမဲများသည်တစ်ရိပ်ရိပ်တက်လာတာကြောင့် စိတ်ရှုပ်ရှူပ်ဖြင့် အင်္ကျီကြယ်သီးအားစိတ်မပါလက်မပါဆက်တပ်နေလိုက်သည်။
"ဒီမိုးကပြီးကိုမပြီးနိုင်တော့ဘူး"
ပြင်ဆင်ပြီးအောက်ဆင်းလာတော့ တက်ကြွလွန်းနေသည့်ဂျောင်ကုကိုတွေ့ရသည်။
"လာလေ မောင်မနက်စာပြင်ထားတယ်"
သူနဲ့ဆန့်ကျင်ဘက်မိုးရာသီကိုနှစ်သက်လှသည့်ဒီကောင်ကမွေးတာတောင်မိုးရာသီတွင်။
"မိုးလေကအေးနေတော့ မောင်ကော်ဖီနဲ့ ဆန်း၀ှစ်လေးပဲလုပ်ထားလိုက်တယ်"
သူဝင်ထိုင်ကာ ကော်ဖီခွက်ကိုကိုင်သည်အထိ ထိုကောင်ကသူ့ကိုကြည့်နေတုန်းဖြစ်သည်။
ကော်ဖီခွက်ကိုချကာ သူ့ကိုပြန်ကြည့်လိုက်သည်။
ဖွင့်ပြောပြီးထဲက တစ်ခုခုကိုသူခွင့်တောင်းချင်ရင် ဒီကောင့်ပုံစံကိုအလွတ်ရနေပြီမို့ ထုံးစံအတိုင်းဘာလုပ်ချင်ပြန်ပြီလဲမသိ။
"ပြော ဘာလဲ"
"ကော်ဖီအဆင်ပြေလား မင်းကခါးခါးလေးကြိုက်တော့ မောင်သကြားနှစ်ဇွန်းပဲထည့်ထားတာ"
"ကဲပြောစရာရှိတာကိုပြောပါ ဝေ့ဝိုက်မနေနဲ့"
သူဒီလိုပြောလိုက်မှ မျက်နှာကစပ်ဖြီးဖြီးလုပ်လာသည်။
"ဟိုလေ မောင် ဒီနေ့မင်းအလုပ်လိုက်ချင်လို့"
"ဘာ!"
သူအော်ချလိုက်တော့မျက်နှာငယ်လေးလုပ်ထားသေးသည်။ အရှေ့ကကောင်သည် ဆယ့်နှစ်မျိုးကဝေလားမှတ်ရအောင် မျက်နှာကမျိုးစုံတက်သည်။ ဒီလိုမျိုးတွေလုပ်တက်မယ်တောင်သူမထင်ထားပေ။
"ငါ့အလုပ်လိုက်ရအောင် မင်းမှာအလုပ်မရှိလို့လား သိပ်အားယားနေတာပဲလား"
"မဟုတ်ဘူးလေကွာ မောင် မင်းအလုပ်ထဲရှယ်ယာဝင်ထားတော့ လုပ်ငန်းအခြေအနေလေးသိချင်လို့"
YOU ARE READING
Centered Around the Heart (Completed)
Fanfictionအချစ်မပါတဲ့အိမ်ထောင်ရေးကိုမင်းကဘာတွေမျှော်လင့်နေသေးတာလဲ အခ်စ္မပါတဲ့အိမ္ေထာင္ေရးကိုမင္းကဘာေတြေမွ်ာ္လင့္ေနေသးတာလဲ
