ဆော့ဂျင်၏ဘားတွင် ထုံးစံအတိုင်းလူစုံနေကြသည်။ ၃ယောက်လုံးစကားတစ်ခွန်းမှမပြောကြပဲအရက်ကြီးသာလိမ့်သောက်နေကြသည်။
သို့သော် အရက်မသောက်နိုင်သည့် ထယ်ယောင်းကမူ ချထားသမျှအမြည်းကိုသာ ထိုင်စားနေသည်။
ဆော့ဂျင်သည် အရက်ခွက်ကိုချကာ ရှေ့တွင်ခုံကိုနှီကာခြေချိတ်ထိုင်နေသည့်ဂျီမင့်အားမေးခွန်းထုတ်လာသည်။
"ဘယ်လိုလဲ ဒီနေ့ဇယားလေးတွေနဲ့မအီတော့ဘူးလား"
"အဟင်း အစထဲကဇယားရှုပ်ခဲ့တာမှမဟုတ်တာ ဇယားတွေကသာလာရှုပ်တာ"
"ဟ အတူတူပဲမဟုတ်ဘူးလား"
ဂျီမင် ဘာမှပြန်မပြောတော့ပဲ အရက်သာဆက်သောက်နေလိုက်သည်။
အမြည်းထိုင်စားနေသည့်ထယ်ယောင်းသည် တူဖြင့်အသားတစ်ဖက်ကိုယူကာပါးစပ်ထဲထည့်နေရင်းမှ
"ဂျီမင် မင်းအလုပ်ကရော ဟိုတလောက စာချုပ်အသစ်ချုပ်ဖြစ်တယ်ဆို"
"အင်း ဟုတ်တယ်"
"အခြေအနေ"
"မဆိုးပါဘူး ခုလက်ရှိကတော့အကုန်ချောချောမွေ့မွေ့ပဲ အရင်မော်ဒယ်တွေနဲ့မတူဘူး ဆက်ဆံလို့အဆင်ပြေတယ်"
ထယ်ယောင်းသည်ခေါင်းတငြိမ့်ငြိမ့်ဖြင့် အမြည်းဆက်စားနေသည်။
ဆော့ဂျင်သည် ဂျီမင့်ကိုသေချာကြည့်ကာ
"အခုမော်ဒယ်လေးနဲ့ သတင်းတိုတိုစစလေးတွေကြားနေတာအမှန်တော့မဟုတ်ဘူးမလား"
အရက်သောက်နေရင်းမှဂျီမင်သည် ဆော့ဂျင်ကိုပြန်ကြည့်လိုက်သည်။
"ဒီလိုပါပဲ အပျင်းပြေစရာသတင်းတစ်ခုပေါ့"
"ငါပြောမယ်ပြောမယ်နဲ့မပြောဖြစ်တာ ဂျီမင် အိမ်ထောင်တစ်ခုကိုမင်းဘယ်လိုသဘောထားနေတာလဲ မင်းတို့ချစ်တာတွေမချစ်တာတွေစိတ်မ၀င်စားဘူး အေးဒါပေမဲ့ အပျက်ပျက်နဲ့နှာခေါင်းသွေးထွက်လာရင် မင်းတို့ယူထားတာယောကျ်ားချင်း လူတွေကမင်းပြောသလိုအပျင်းပြေပြောစရာကိုရှာနေတာ အဲ့လိုပြောစရာတွေဖြစ်လာရင် ထိခိုက်မှာနှစ်ဖက်စလုံးပဲ အချိန်တွေလည်းကြာနေပြီ ဂျီမင် မင်းလျှော့သင့်တာ့ာဖို့ကိုမစဥ်းစားမိဘူးလား တစ်သက်လုံးဒီလိုပဲဆက်သွားနေမှာလား"
YOU ARE READING
Centered Around the Heart (Completed)
Hayran Kurguအချစ်မပါတဲ့အိမ်ထောင်ရေးကိုမင်းကဘာတွေမျှော်လင့်နေသေးတာလဲ အခ်စ္မပါတဲ့အိမ္ေထာင္ေရးကိုမင္းကဘာေတြေမွ်ာ္လင့္ေနေသးတာလဲ
