ဂျီမင့်ဆီကနေပြန်လာပြီးတော့ အိမ်လည်းမပြန်ချင်သေးတာနဲ့ အစ်ကိုဟိုဆော့ဆီသွားဖို့စဥ်းစားမိပေမဲ့ အလုပ်ရှိနေမှာဆိုးလို့ဖုန်းအရင်ကြိုဆက်ထားလိုက်သည်။
"ဟယ်လို အားလား"
"အားတယ်"
"အားရင်လာမလို့ "
တိုတိုနှင့်လိုရင်းပြောကာဖုန်းကိုသူအရင်ချပစ်လိုက်သည်။
ဒီနေ့တော့စိတ်ပျော်နေတာကြောင့် သီချင်းဖွင့်ဖို့ရေဒီယိုလေးကိုဖွင့်လိုက်တော့ လာနေသည့်သီချင်းက အခုတလောရေပန်းတော်တော်စားနေသည့် Like crazy။
ကားစတီယာရင်ကိုကိုင်ထားသည့်လက်သွယ်သွယ်ရှည်ရှည်လေးတွေသည်လည်းသီချင်းသံစဥ်အတိုင်းလှုပ်ရှားနေသလို မြင်ခဲလှသောအပြုံးလေးသည်လည်းပွင့်ဖူးနေသေးသည်။
အစ်ကိုဟိုဆော့ တိုက်ကိုရောက်တော့ တံခါးကြိုဖွင့်ထားရန်ဖုန်းလှမ်းဆက်ထားတာမို့ အပေါ်ရောက်တော့တံခါးသည်ဖွင့်လျက်သား။
သူအသာလေးတွန်းကာ၀င်လာတော့ အစ်ကိုဟိုဆော့သည်ဆိုဖာပေါ်တွင် ခပ်လျှောလျှောမှီကာဖုန်းသုံးနေသည်။
သူ့ကိုတွေ့တော့ မျက်လုံးလှန်ကြည့်လာသည်။
"နေပါဦးငါစဥ်းစားနေတာ မင်းကဘာကိစ္စအားလားလို့ပြောတာလဲ"
ဖုန်းကိုဆိုဖာပေါ်ပစ်ချပြီးနောက်ဖေးသို့သွားကာ ရေခဲသေတ္တာထဲမှရေဘူးသွားယူနေရင်းမှ
"ဟ အားလားမမေးလို့ဘယ်လိုမေးရမှာလဲ"
ဟိုဆော့သည် ဖုန်းချလိုက်ပြီးနောက်သို့လိုက်သွားသည်။
"မင်းမေးပုံကိုလည်းကြည့်ဦးလေ မသိရင်ငါကပဲဟိုကောင်ကြီးကျလို့ အားလားတဲ့မေးပုံကိုကစောက်ချိူးမပြေတာ"
ဟိုဆော့ပြောတာကိုမကြားချင်ယောင်ဆောင်ပြီးရေဘူးဖွင့်ကာမော့သောက်နေလိုက်သည်။
"ရည်းစားထားပါဆိုလည်းအဖြစ်ကမရှိတော့ အားနေမဟုတ်တာတွေပဲခေါင်းထဲရောက်လာရော ပြောနေတာတွေရောနားလည်ရဲ့လားမသိဘူး"
YOU ARE READING
Centered Around the Heart (Completed)
Fanficအချစ်မပါတဲ့အိမ်ထောင်ရေးကိုမင်းကဘာတွေမျှော်လင့်နေသေးတာလဲ အခ်စ္မပါတဲ့အိမ္ေထာင္ေရးကိုမင္းကဘာေတြေမွ်ာ္လင့္ေနေသးတာလဲ
