ဒီကောင်လာပြန်ပြီ ။ဟိုရက်တွေထဲကဆက်တိုက်လိုလိုကိုလာနေတာ ။ လာရင်လည်း တစ်ခုမဟုတ်တစ်ခုအကြောင်းရှာပြီးသူ့ကိုခေါ်ခေါ်ထုတ်နေတာ။ဒီကောင်ဘယ်ခြေလှမ်းလှမ်းနေလည်းဆိုတာသိနေပေမဲ့ဇာတ်လမ်းမစချင်လို့သူ့ဘက်ကမသိချင်ယောင်သာဆောင်နေလိုက်သည်။
သူရှိနေတဲ့နေရာကနေသူ့ကိုမမြင်ချင်ယောင်ဆောင်ပြီးဖြတ်လျှောက်သွားလိုက်တော့ လက်ကောက်၀တ်ကိုလှမ်းဆွဲ၏။
"အစ်ကို ကျွန်တော့်ကို ဘာလို့ရှောင်နေတာလဲ"
ဆွဲထားသည့်လက်ကိုဆောင့်ရုန်းလိုက်တော့ သူ့လက်ကိုကြည့်နေသည်။
"ရှောင်နေရမဲ့ဆက်ဆံရေးမို့လို့လားမင်းနဲ့က"
ဆော့ဂျင်ဆက်လျှောက်သွားတော့ သူ့နောက်ကိုဆက်လိုက်လာပြန်သည်။ ဘားကနေထွက်ပြီးအိမ်ပြန်ဖို့ကားဆီသွားတော့အနောက်မှခြေလှမ်းကျယ်ကြီးတွေနဲ့လိုက်လာသူကမှီသွားကာာသူ့အား ကားတွင်ကပ်လိုက်ပြီးမျက်နှာချင်းဆိုင်ကြည့်လာလေသည်။
"အစ်ကိုရှောင်နေတာ ကျွန်တော့်ကိုရှောင်နေတာ ကျွန်တော်ဘာလို့လာနေလည်းဆိုတာလည်းအစ်ကိုသိရဲ့သားနဲ့အစ်ကိုသက်သက်မဲ့မသိချင်ယောင်ဆောင်နေတာ"
အရှေ့ကကောင်သည် အရက်လေး၀င်ထားတာကြောင့် အနည်းငယ်ရဲတင်းနေသည်။
သူ့ကိုဖိထားသည့်လက်တွေကနေရုန်းသော်လည်းမရ ဘဲပို၍တင်းတင်းကျပ်ကျပ်ဖိထားသည်။"လွှတ်စမ်း မင်းဟာမင်းလာတာဘာကြောင့်ဖြစ်ဖြစ်မင်းကငါ့ဘားမှာအရက်လာသောက်တဲ့ပုံမှန်လူတစ်ယောက်ပဲ ဒါထက်ဘာမှမပိုဘူး"
နမ်ဂျွန်း အစ်ကို့ကိုစူးစိုက်ကြည့်လိုက်သည်။အစ်ကို့မျက်လုံးတွေထဲမှာသူလိုချင်တဲ့အဖြေရှိနေပေမဲ့လည်းအစ်ကို့နှုတ်ကထွက်သမျှစကားတိုင်းသည်သူ့ရင်ကိုစူးကြီးကြီးနဲ့ထိုးနှက်နေသလိုပင်။
သူ့အားဘာမှပြန်မပြောပဲစိုက်ကြည့်နေသည့်ကောင်လေး၏မျက်၀န်းထဲတွင်အနည်းငယ်၀မ်းနည်းသွားသည့်ပုံရိပ်လေးကိုသူတွေ့လိုက်ရသည်။
သူပြောတာများလွန်သွားပြီလား။
YOU ARE READING
Centered Around the Heart (Completed)
Fanficအချစ်မပါတဲ့အိမ်ထောင်ရေးကိုမင်းကဘာတွေမျှော်လင့်နေသေးတာလဲ အခ်စ္မပါတဲ့အိမ္ေထာင္ေရးကိုမင္းကဘာေတြေမွ်ာ္လင့္ေနေသးတာလဲ