لا تتركيني على اعتاب الهوى وحيد

الجزء الثاني

*بعد شهر*

وصلت طيارته هو وزوجته للسعودية ، راجع وهو كله شوق لاهله لبيته لروتينه ونظامه المعتاد ، صح ان الزواج شيء جميل وصح انه سعيد جداً مع زوجته وانه قضى وقته مره حلو معها بس خلاص الشوق لاهله وصل اخر مراحله

"فصول بابا" قالت ديمه بدلع ماسخ
"ديمه حبيبي كم مره اقول لك لا تقولين لي بابا ، ترى اتقرف من الكلمه، امريني ي قلبي وش تبين ؟"

"ليش فصوول انا احب اقول لك كذا ، ماعلينا اسمع قلبي بالله حطني عند بيت اهلي ، انا مشتاقه لهم مره"

استنكر فيصل طلبها "وليش ان شاءالله تروحين بيت اهلك ؟ بيتنا موجود اليوم نروح لبيتنا نريح وبعدها اوديك بيت اهلك"

وصلوا لبيتهم ودخل فيصل يتروش ولما خلصت ديمه من ترتيب شوية من اغراضهم طلع من الشور وقال لها
"حبيبتي جهزي لي هدية امي ودينا باخذهم معي اللحين"

"اللحين ؟" قالت ديمه بإستنكار
سكت شوي يدرس تعابير وجهها الجميل شوي وقال بهدوء "ايواه اللحين لأني بروح لهم فباخذهم معي ، فيك شيء ؟"

"لا حبيبي مافيني شي بس انه انت منعتني اروح اسلم على اهلي وانت بتروح لأهلك اللحين"

"ديمه اهلي هذا هم قدامي بروح لهم برجولي بيننا خطوتين بس، انتي اهلك وين ؟ في القصيم ، مافيني حيل اوديك اليوم خلينا نرتاح وبعد بكره ابشري اوديك لهم تجلسين عندهم اسبوع بعد لو تبين وش رايك ؟"

"اسبوع ها ؟ لا تغير رايك بعدين"

ابتسم "بيطاوعك قلبك تبعدين عني اسبوع ؟ لهدرجة سعيدة"

راحت له ديمه وحضنته "ياعمري فصولي ، اكيد مو سعيدة اني ببعد عنك بس لاني بشوف ماما وبابا مره اشتقت لهم"

"ادري يا قلبي امزح معك ، يلا جهزي لي الاغراض"

رن جوالها وكان اللي متصل عليها امها
"هلا ماما حبيبتي"
"الحمدالله على سلامتكم ، متى وصلتوا ؟"
"ابد تونا واصلين قبل ساعتين"
"ورجالك وينه عندك ؟"
"لا راح يركض بالهدايا لامه واخته قهرني"
"ليه وش فيه وش صاير ؟"
"تخيلي يا ماما دخلنا كارتير ويطق لامه ذاك العقد اللي ب نصف مليوون ، ويوم قلت له ابي مثله طردني يقول لا مابي احد مثل امي ، واخته الدلوعه المايعه تذبل الكبد العجوز اللي تويرع ، كل ماصور لها شي مايعجبها
جلسنا يوم كامل عشان حضرة جنابها ترضى عن الهدايا اللي اشتراها لها
تخيلي انه شاري لها شنطه خايسه معفنه بمتين الف ويوم قلت ماله داعي
قال انتي وش عليك انا اللي بدفع موب انتي ، بعدين قال لي ذي اصلا استثمار وخرابيط ثانيه ، وش الاستثمار بشنط"
"وهو يعني ماجاه الحب لهم الا معك في شهر عسلكم "
"المشكله يوم جيت اشتري لك ذاك العقد اللي يهبل يقول لي لا موب زين ويطلع لي واحد ثاني خايس يسكتني فيه تخيلي ، يعني يوم على اهله مايبي اتدخل وعليكم بس يتدخل ويختار من راسه، ويقول انتي خواتك وش كثرهن وش بتشترين وش بتخلين"
"يهب ياوجهه الله يحفظ لي عييلي وبنياتي، ماتعرفينه هذا ولد مهيه يروع القلب
مايطلع الريال لو ايش يروع"