لا تتركيني على اعتاب الهوى وحيد

الجزء الثامن عشر

يدينه تجرحت وكان يحس الدم يسيل منها بس كان متمسك بأدنى نقطة امل
يا الموت جوع او الموت من طلقة او الموت من طيحه من الجبل
فيه ١٠٠ احتمال انه يموت اللحين بس مستحيل يستسلم
بدء ينزل وفيه بعض الاحجار الصغيره تطيح ع راسه وتجرحه
فتح جواله وجلس يناظر الخريطه المرسومه بيد مقرن
وبنفس الوقت حمد ربه انه ما استخدم شاحنه المتنقل لما قفل جواله اول مره

المكان جداً مظلم ولا هو عارف وين قاعد يحط رجوله لكنه يحاول يفتح الفلاش كل عشر دقايق صور الطريق الضيق ويطفيه بسرعة عشان ماينتبهون له
كان يحس ان يده تنملت من البرد ماعاد يحس فيها واطرافه تصلبت شوي
مايدري كم مر عليه وهو بنفس الوضعيه يتحرك ببطئ بس اكيد اكثر من ساعتين لان الفجر بدت تبان خيوطه
توتر لان لازم يكون هو في الطرف الثاني من الانهيار عشان مايكون مكشوف للحوثيين
تنفس بهدوء وكمل مشيه ووكل امره لرب العالمين

"والله نادر مره متوتر وصار حتى يادوب يفتح رسايلي او انه يكلمني" قالت سمو بخيبة لسميره اللي كانت تواسيها

"شالدعوه سمو الرجال اخوه مختفي تتوقعين بيكون له خلق او وقت للرومنسيه؟" قالت سميره لها

"من قال اني ابي رومنسيه وسواليف ذي ، انا ابي اكون معه و اوقف معه مو يعزلني كذا عنه" قالت سمو بأعتراض

"سمو انتم للحين ماصرتوا ببيت واحد للحين ماتزوجتوا رسمي ، لسى ببيت اهلك ف خلاص اذا صرتوا ببيت واحد وقتها لازم هو يشاركك ذي الامور كلها لكن لسى مادخل عليك ف خلاص خليك مثل ما انتي كل يوم تطمني عليه بس لا تضغطين عليه"

"اف تضايقت مره والله ، ابي اعرف وش صار معهم ووش صار مع فيصل مو اجلس كذا ماعرف شي"

"ياخبر بفلوس بكره ببلاش" قالت لها سميره

بس سمو مارتاحت ابداً ورجعت تتصل ع نادر ورد عليها ، كانت بتنهار من السعاده لكن مو صوت نادر اللي رد عليها

"هلا سمو" كانت دينا اللي ردت

"هلا دينا .." ردت سمو بأرتباك

"معليش انا رديت على الجوال لان نادر نايم ومابغيته يصحى لان له كم يوم ما نام و راح يطلع للجنوب بكره ف ابيه يرتاح"

"بيروح للجنوب !!" قالت سمو برعب "بس هو ما قال لي شي" كملت سمو بصدمه وهي مو حاسه بنفسها ايش تقول

"مافهمت لازم يستأذن منك مثلاً عشان يروح يدور عن اخوه ؟ لايكون بتحاولين تردينه " قالت دينا بتحدي

"وش هالاسلوب ؟ انا اتفاهم مع زوجي لا صحى ، فمان الله" جفلت سمو من اسلوب دينا السخيف وردت بصرامه