لا تتركيني على اعتاب الهوى وحيد

الجزء الرابع عشر

*فلاش باك قبل يومين من الحفله*

"نادر لا تتزوجها" قال بنبرة فيها من الامر والطلب والترجي

التفت نادر جهته "ليش وش فيه ؟ بنت الناس فيها شي يعيبها ؟ طيب شفت عليها شي ؟ البنت في اخلاقها شي ؟" قال نادر لفيصل وهو يحاول ياخذ الرد من اخوه عشان يخليه مايقدر يرد ، لانه يعرف ان فيصل مستحيل يقول له السبب الرئيسي لأعتراضه ع الزواج

سكت فيصل مافيه رد

"كالعادة مافيه رد ، لا عاد تناقشني بذا الموضوع لان سمو خلاص بتكون لي انا اخذتها ع سنة الله ورسوله" قال له نادر وعطاه ظهره وراح عنه

*نهاية الفلاش باك*

دينا جت عند سمو وهمست في اذنها "سمو يلا تروحين داخل عند نادر عشان تدخلون سوا على المعازيم ؟" ناظرتها سمو ب ارتباك وقالت "اللحين ؟" ولفت تدور امها ، اللي على طول جت لعندها

"ماما دينا تقول ادخلي داخل عشان ادخل مع نادر" قالت لامها

"اي يا ماما سعد كلمني وقال لي ادخلك عند نادر ، معليك انا بكون معك يلا مشينا" طمنتها امها

"حتى انا بكون معكم ف لاتتوترين" قالت دينا بلطافه لها

جات الوصيفة تساعدها توقف وترتب فستانها لها وبدت تنزل سمو والكل كان يناظرها ، طلتها جميله فخمه وانيقة جداً
ديمه وامها كانوا شوي وياكلونها بنظراتهم اللي كانت مليانه غيرة وحسد
مسك عينها طارت لما انتبهت على العقد اللي لابسته سمو على رقبتها

"ماما شوفي العقد اللي على رقبتها انتبهي له" قالت مسك لامها بسرعه عشان تنتبه

"ايه اشوفه ، وش فيه ؟" قالت ساره لها

"تدرين هذا قيمته قريب النص مليون" قالت مسك بإنهيار وديمه لفت بسرعه لما سمعت السعر ، "انتي تستهبلين صح ؟" قالت لها ديمه