قام من نومه وهو يحس بالكسل وده يرجع ينام بس قاطعه دخول جدته وبيدها صينية حليب و توست بالبيض حطتهم على المكتب وتقدمت من حفيدها وابتسمت من شافته صاحي : امتى صحيت ياوليدي ؟
ريان شال اللحاف وهي يبوس يدها وراسها : توني والله كنت ناوي اكملها نومه
الجده : الله يرضالي عليك ، افطر والحقني تحت
ريان : سمي يانور عيني
جلس ريان على السرير وقرب الصحن وجلس ياكل وكل تفكيره بجدته وليه تبيه يلحقها بعد ما خلص اكل نزل بسرعه للاسفل والتقت عينه بجدته الي جالسه على الكنب تشرب قهوتها جلس بجانبها وهو كله فضول
ريان : ها وش السالفه
الجده تنهدت : ابوك كلمني وقرر انك ترجع وتعيش معاه
ريان تافف : مو منجده ذا متى يفهم اني ما ابي اعيش عنده لا هو ولا زوجته عاجبتني الجلسه هنا تكفين جده تفاهمي معه خليه يغير قراره
الجده : والله ما من حل ابوك راسه يابس ماينفع معه الكلام
ريان : ماني طالع من غرفتي
كانت بترد عليه بس قاطعها ركضه للدرج واخيرا صوت الباب وهو يتسكر بقوه مشت وراه ودقت الباب مره ومرتين وثلاث وجلست تنادي عليه
الجده : ريان فك الباب لا تسوي مشاكل من اول يوم رجعه لك
ريان : مو غصب ياخي ما ابي اروح معه
الجده : مثل ما جيتني هنا كنت تصيح تبي ترجع وبعدين تعودت وبيرجع الموال من جديد معليك بتتعود عليهم في النهايه هم اهلك
ريان ضحك ب سخريه : اهل ؟ هذولي تسمينهم اهل
الجده : صح انهم غلطو بس معليه الانسان يغلط ولا ترد الغلط بالغلط وعطهم فرصه يمكن تتحسن علاقتكم
ريان : ما ابيها تتحسن ب اي شكل من الاشكال ابيهم بعيدين عني
الجده : انا بنزل تحت انتضر ابوك علشان اقدر استقبله وانت رتب اغراضك
ريان رما نفسه على السرير جلست تنعاد عليه الذكريات من اول يوم جاه هنا وما يقدر يصدق ان الحين بيرجع لبيته مره ثانيه بس مجرد التفكير بذا الموضوع يخليه يتوتر
اخيرا جا الاب دخل البيت وهو مستعجل سلم على امه واستغرب ان ريان مو تحت : وش قلة الادب ابوه جاي ولا نزل يستقبلني
الجده : اعذره تراه طفل
الاب : هو وينه ذلحين
الجده بغرفته: مقفل الباب على نفسه
الاب : ذا الولد بيجيب لي الجلطه
قال كلامه وهو متوجه للدرج واخيرا وقف امام الباب دقه بخفه وتدريجيًا بدا يزيد بالدق وكل ماله يقوى : ريان فك الباب وخل حركات المراهقين على جنب
ريان باندفاع : ما ابي اجي معك !
الاب بعصبيه : تفك الباب ولا اكسره على راسك
ريان بتردد خاف ان ابوه يكسر الباب ويكمل الناقص عليه ف قرر انه يفتحه شاف ابوه الي مازال واقف برا الباب حس بشعور غريب وغصه بنفس الوقت
الاب : جهز ملابسك بسرعه الطياره لا تروح علينا
ريان مشى ببطئ محاولا انه يتجنب ابوه بس توتر من لاحظ نضرات ابوه المحكمه عليه رمى اي شي قدامه وسحب الشنطه اخذها ابوه منه
حس ريان بقلبه يدق بسرعه من تلامست يدهم ببعض حاول انه يتجاهل شعوره ومشى ورا ابوه
نزل تحت وودع جدته الي ما قدر انه يحبس دموعه الي مسحتها جدته مباشره ضمته لحضنها ودعت له من قلب
