استمتعوا
تجاهلوا الاخطاء الإملائية
-
مر اسبوع على اخر موقف بيننا والي بسببه صرت منطوي على نفسي بالرغم من انه ما كف عن ارساله المستمر لكني كنت اتجاهله قدر الامكان على الاقل اخليه يحس بفضاعة شعوري !
روتيني الممل قاعد يتكرر انام اقوم على الحمام انزل افطر اشرب حليب من يد جدتي بعد ما تغصبني عليه ونواف
اغلب وقته يلعب بالسوني حقي وصوته واصل لسابع جار الجدول ذا تكرر لين بفترة اختفى ثابت بشكل غريب معد صرت اقوم منزعج من صوت الجرس والي سببه ثابت او حتى من الرسائل المستمره .. ماكنت اتوقع اني بهتم للدرجة ذي بس فيه شعور داخلي ورغبة ملحة بمقابلته على الاقل للمرة الاخيرة اودعه فيها لأن ..تأففت من افكاري ذي وقمت منغث من نفسي ! انا من متى انتظر شخص يكون سند لي؟ هذا وانا احتضنت نفسي بنفسي من خيباتي ! وهالحين شايل هم شخص لعب علي طول السنوات ذي معرف وش الدافع ورا فعلته
بس مستحيل اسامحه على استغفالي بدون ما يفكر بمشاعري
فكرة ان الشخص الوحيد الي كنت اشوفه منفذ وملجأ ما كانت الا شخصية وهمية ابتكرها ثابت ! ومين ثابت؟ الشخص الي كنت اشوفه بطلي بصغري .. ليه صعبها علي؟ ليه خلاني اختل توازني بكل مره احاول اختار قرار حازم فيه انهي كل المأساة ذي
شعور ان القرار بيدك لكنك تعجز عن اتخاذه مؤلم وجدا
-
طلعت وقابلتني جدتي بابتسامة بشوشه قربت بست خدها
: يعلم الله اني اشتقت للوجه السموح
عطتني ذيك النظره تمنيت ان الارض تنشق وتبلعني اعترف اني بجيح ساحب عليهم وبكل مره ترسل لي نواف يناديني كنت اتعذر بأني نعسان وابي انام مالي وجه انزل اصلا ! لكن حسيت اني زودتها وفوق كذا هم مالهم دخل .. محد يستاهل ادخله بمشاكلي وامقته واعاملة بجحفان والسبب الوحيد اني متضايق ! وهم شدخلهم يا ريان ؟ الصدق مدري بس تجيني الحاله ويصير مالي خلق لاي بشري مهما كان تعامله كويس معي مشكلتي اسوي تحديد الكل
طلعت برا اشم هوا وقف بوجهي الاخ نواف وقعد يلف شماغه اكثر من مره و يلسعني فيه بدون سبب ! ذا انجن رسميا بعدت عنه لاني ماني فايق اخرب مزاجي بسببه لكنه اعترض طريقي للمره الثانيه
تكلم نواف وهو رامي شماغه على كتفه : اخيرا شفنا خشتك ! مسوي تتغلى انت وجهك؟
رفعت خشمي عليه وشكله وهو يلاحق وراي تحفه
واعترف اني وقح وانا اتجاهل ارد عليه بس شسوي عاد!
مسكني من يدي موقفني وقال بنبرة زعل : رجعت حليمة لعادتها القديمة ، مو قلت لي بتترك حركاتك ذي؟ لين متى بتعاملني كذا تراني قرفت
ثواني ثواني ! ذا صار يتحسس بسرعة ويزعل على ادنى سبب
: اسف طيب وش تبي ؟ بطلع انا
