رجعت المدارس ورجعت الاحداث ورجع الروتين الممل مثل ما هو ب بس مع دخول شخصيات جديده
نقدم ليوم الاربعاء / يوم دراسي
دخل ريان كالعاده فصله متاخر
استوقفه المدرس وهو يناظر بساعته وين كنت ؟
ريان : وش اللي وين كنت توني اجي
المدرس قام من مكانه : ريان تراني اعرفك زين ومشيتها لك اكثر من مره المره ذي مارح ادخلك الفصل يلا عند الوكيل
ريان وهو طالع : من زين حصتك اصلا
ضحك اغلب طلاب الفصل بس وقفو من شافو نظرات الاستاذ الحاره عليهم
توجه ريان للحمامات
ودخل عليهم : ابشركم انطردت
ضحك عليه اسر : محد قلك تروح له قلك حسيت بتانيب وكذا يلا القم
ريان : هذا وانا جاي اشكي لكم
رام وهو ينزل من فوق المغسله : ليكون الاستاذ الكريه ذاك
ريان هز براسه : في غيره اقرفني هو وحصته حتى شرح ما يعرف يشرح
اسر : يبوي مغير يقرأ من الكتاب قصر الصراحه
نير وهو توه يدخل ووراه رواد : يشباب الوكيل شفت الوكيل طالع من الدرج حطو رجلكم
افترقو العيال وكل منهم دخل حمام
دخل اسر و رام بحمام واحد كان بيطلع رام بس سحبه اسر من سمع صوت الوكيل يصارخ برا وقفل الباب رام دق قلبه بخوف واسر اشر ل رام بانه ما يطلع صوت
بينما رواد دخل حمام وقفل على نفسه
و نير سوا نفس الشي
ريان وهو طالع من الحمام
الوكيل : انت من عيال ثاني ثانوي ؟
ريان : لا ثالث متوسط
الوكيل : يلا على صفك اشوف
ريان ما تحرك وهو مكتف يده : تفاهم مع الاستاذ بالاول
الوكيل ناظره ب استغراب : منحاش من الفصل انت
ريان : لا مطرود
الوكيل : ادخل وقول له اني سمحت لك
ريان رفع صوته علشان الي بالداخل يسمعونه : مارح يصدقني تعال معي
راحو سوا
فتح الباب اسر بسرعه وسحب معه رام ورفع صوته : يا عيال راحو يلا انزلو بنروح المعمل ترا محد يدخل له
طلعو كلهم
نير : ريان راح معه صح ؟
رواد : ضحى بنفسه علشان ينقذنا
رام وهو خارج : بسرعه قبل يرجع
مشى وراه رواد و مشو وراهم العيال
عند نواف و العيال متكين بالسطح
اوس وهو داخل عليهم : ياعيال ترا الوكيل يدور علينا
نواف : انثبر هنا كله من حركتك الزايده
اوس جلس : اف حر خلصت الاماكن
تليد : واقف تحت الشمس وتقول حر وش متوقع يعني ؟ تعال هنا في ظل
اوس قلب عيونه : الشرهه علي طالع معكم
اياس : خلاص اسكتو انت وياه اصواتكم مغير تلعلع ناويين نكتب تعهد
راح نواف وقرب من اوس : انت ناوي الشمس تصكك وتطيح علينا وناكل تراب حنا؟
ضحك اوس وجلس جنبهم
مسك يده نواف وسحبه معه
تليد : يلا يا عيال بصور طلبات ماك
اوس : بسرعه جوعان ترا
تليد صور كم صوره وجلس يعدل عليها
وهم منتظرينه يخلص
ناظرهم ولما استوعب انه نساهم ضحك: يووه خلصت ونزلتها و رديت على التعليقات وانتم للحينكم تحتروني
سبوه بكل حب وكملو ياكلون
نواف : المفروض نعطيك البقايا على حركتك ذي !
