تاهت الكلمات بداخلي
-
مترت البيت رايح جاي وبيدي البخور والبيت صار كانه بيت سحره
من الدخان طبعا ذا التكنيك تسويه لو حرقت شي بالغلط
وتبي تغطي على المصيبه مالك الا ذا الحل البخور المنقذ وقت الازمات كان ولا زال
ما شفت بعدها الا كشة رماد الي قاعد يطالعني من اعلى الدرج
قرب مني وسحب المبخرة من يدي
:ما تحس انك فليتها وش باقي ما بخرت انت حتى نيتي مريت عليها
دق الجرس ابتسمت بوجهه وسحبت عليه افتح الباب
دخل نواف وناظر بالمكان وكح اكثر من مره بسبب الدخان
: الله يكتمكم
قلت له ادخل بلا دلع وفعلا دخل وجلسنا قدام التلفاز الي يتوسط الصاله وقفلنا الانوار بعد ما حطينا الاكل على الطاوله الارضيه
ناوين نتابع فلم من اختيار رماد والسلقه ما حط الا ارعب فلم !
واصلا ليته مركز معنا بس فالح يطقطق علينا كل ما خفنا وصارخنا
ونواف بلع الاكل وفالح بس يقيم تحسونه اب متقاعد ناشب على الكبيره والصغيره ماحسيت الا بضربة نواف المتحمس وهو يقول
: ايييه الحين اللقطه الحماسيه
طيب يا تراب شدخلني انضرب
راقبت المشهد وحرفيا ما يحمس كثر ما يخوف رفعت عيوني ل رماد الي جالس فوق الكنب بينما حنا قاعدن بالارض غمزت له وهو ابتسم وبانت غمازته لما فهم مقصدي والي سواه هو انه حاوط نواف من الخلف ما سمعنا بعدها الا صراخ نواف الانثوي والمخده الي كانت بحضنه طارت لاخر الصاله
: يلعن شياطينكم انتو الاثنين
رماد جلس يضحك وقال
: مسوي قوي هاه ؟ القم
نواف قال
: والزق ما يحتسب
سحبنا على ام الفلم وقعدنا نتناقر فيما بيننا
نواف بلقافه : الحين رماد صدق انت من الغربيه؟
: اي
رولان بحماسه المعتاد : تكلم غربي تكفى قول اشبوو دا الفقي
: هي والله ما نهرج كذا
تعال اعلمك كيف نتكلم
ما رد الثاني لان رماد نط فوقه وهو مكتفه بيد واحده
والثاني كان يقاوم تحت رماد
استنجد بنواف بعد ما فقد الامل
ونواف اللي بدوره لبى المستنجد ووخر رماد عن رولان المستسلم
لين انعكست الادوار وصارو اثنينهم فوق رماد
الي رفع يده باستسلام
نواف قال : لا تستقوي عليه ترا بنجلدك سوا
: غش اثنين على واحد
رولان كان يوزع بوسات عشوائية على وجه رماد
الي اكتفى بانه يناظره بحب وتأمل
