نواف كان جالس يكلم اخوياه الالكترونيين
دخل على قروب | السلايق |
نواف : يعيال اشتقت لكم
رمال : نوافييي يالسحبه وينك ما تكلمنا
نواف : الدنيا وانا اخوك
رولان: ماش ماش ما تعرف تصرف وبطقطقه كتب وانا اخوك
نواف : اح يالسلقه انا اصرف الحين ؟
رولان : اي اي انت تصرف ومو جديده عليك
نواف : طيب انقلع زعلت
رولان : شدعوه يالبكايه ما يزعل الا صدق صدق اشتقت لك
نواف : حبيبي
رمال : عيدها وشوف يا نواف لو ما بلكتك من حياتي كلها
نواف بثقه : ما تقدر على فراقي
رمال بحنين : الا صدق اشتقت لسوالفك
نواف : يوه فاضي لكم اليوم
رولان : يوه بيبثرنا الان
نواف : رولان اعترف تكرهني انت ؟
رولان : اح انا اكرهك حرام عليك
نواف : اخ لو اشوفك بس
رولان نط من مكانه : الا صدق ليه ما نقابل بعض ؟
رمال : ما عندي اي مشكله
نواف : خلاص تم دامكم موافقين
كملو سوالفهم ثلاث ساعات متواصله
عند رام جلس عند اخوه الصغير وهو يشوفه يلعب
وده يقرب له ويحضنه بس خايف من زوج امه لو شافه يضم ولده لانه يعتبره غلطه وبيجي يضربه
دخلت الام وهي متكشخه وبيدها ورد وهدايا
قربت من ولدها الصغير بتال وابتسمت وهي تشيله
باسته من خده
ناظرت ب رام الي جالس بالارض يراقب حركاتها
ناظرته بملامح جامده : بنطلع انا وحبيبي وباخذ بتال معي لو سويت مشكله مع ولد الجيران كعادتك وسمعت شي ترا ما بيصير لك خير
تافف رام داخله من تهديد امه المستمر له : طيب
طلعت الام وركبت السياره الي كان فيها زوجها مد يده ل ولدهم وباسه وهو يلعب معه شوي على ابتسامة الزوجه بعدها تعدل بجلسته وهو مستعد يسوق
ابو بتال وهو يغمز لها : طالعه حلوه اليوم
ناظرت فيها بخجل وردت : مو كثرك حبيبي
طلع رام بملل وهو ناوي يلعب كوره مع عيال الحاره
قرب منهم وسلم عليهم
رام : شفيكم جالسين هنا مو ناويين تلعبون ؟
جيهان : ننتظر رولان
قلب عيونه رام من هالطاري
وجلس بجانب نهار الي كان يلعب يكلم بجواله بعيد عنهم بشوي : شفيك متحمس كذا هدي
نهار ناظر رام وابتسم
ورام فهمه وقال بهمس : هو ما غيره ؟
هز راسه نهار ب اي
فارس قرب من العيال وبصوت عالي سلم عليهم
وردو السلام
فارس قرب من نهار وسحب جواله منه
نهار رفع راسه : خير ؟
فارس : جاي هنا تلعب ولا تجلس على جوالك
نهار : شدخلك فيني هاته ولا يكثر
قفل فارس الجوال وحطه بجيبه
نهار رفع حاجبه وهو يحدق ب فارس : ترا مالي خلق لك هاته بالطيب
فارس قرب من نهار : ممكن افهم شي ؟ شفيك متغير ياخي ارجع نهار القديم سولف عبرنا شوي
ودي لو تترك جوالك لو يوم واحد
نهار تكتف : طيب ها تركناه والحين وش تبي ؟
فارس قرب من نهار وضمه بقوه : ابي نهار
نهار حس بشعور غريب داخله : هذاني قدامك
جيهان : بدري يالاخ كان نمت وجيت
رولان ناظر فيهم بعدين حط عيونه ب رامي وقلب عيونه
اخذ الكوره الي بيده ورماها على جيهان : ياخي ضيعتها وباليالله لقيتها يلا عجلو رتبو انفسكم
جيهان : انا و رامي و فارس وانت و نهار اوه ناقص واحد
قاطع عليهم صوت تيم بنلعب معكم
ووراه غسان
و نادر
جيهان : طيب يلا فريقي فيه فارس ورامي وغسان الحارس
و الفريق الثاني رولان و نهار و تيم و نادر الحارس
يلا توزعو وفعلا الكل توزع ووقف بمكانه
حط جيهان الكوره وعد من ثلاثه لين واحد وبدا هجوم على الكوره وبعد مرور الوقت وبعد ما سجلو اهداف وكل منهم جلس بمكانه كان رام يسولف مع نهار و تيم الا بالكوره تصفق بوجهه
قام نهار بخوف وقرب منه وهو يبي يشوف الضربه بس ما قدر لان رام كان حاط يده على وجهه وهو متالم
