عند اياس ( صاحب نواف )
وقف دوامة التفكير ودق الباب انتضر دقيقه وانفتح الباب و انرسمت قدامه ملامح شخص مألوفه
اياس : ذا بيت ابو ايلان؟
هتاف : وصلت خير
اياس استغرب : ابي الوالد بموضوع
هتاف : طيب قول هنا
اياس : نعم ؟
هتاف : لو عجبني الموضوع بدخلك
اياس ضحك بخفيف : اخلص علي يحلو
هتاف اتقرف من الغزل : ادخل بكلم الوالد
اياس وهو يدخل المجلس : اخيرا
هتاف وهو طالع من الغرفه : بس علشاني فضولي بقوله وترا بسمع الموضوع ذا
اياس جلس بتوتر وهو يحاول يخترع حوار مناسب
علشان يقوله لابو هتاف
دخل ابو هتاف وهو بالكاد يمشي ابتسم من شاف اياس تذكر ايام زمان وحن لها : ياهلا ب ولدي
ابتسم اياس وهو يتذكر لما كان عايش عنده
اياس : يبه ابي مساعدتك لو ما عليك امر
استغرب ابو هتاف : سم والله ان كان به استطاعه
اياس : والله يابو هتاف انت كفييت ووفيت ولا يوم
بعمرك قصرت معي وتعاملك معي زين ولا حسستني بيوم ب اختلافي بس وش يغطي الفراغ الداخلي احس اني مجهول للان ابي اعرف لو معلومه وحده عن اهلي تكفى انا جيتك من بعيد ولا لي مسكن هنا لا تردني
ابو هتاف : افا ذا بيتك وذا مسكنك وحياك هنا متى ما بغيت وعن موضوعك خله علي بساعدك باللي اقدر اعلي
سلم اياس على راس ابو هتاف ك احترام له
: تسلم يبه
قاطع عليهم الدراما الي هم فيها دخول ايلان : عفوا وين بينام ؟
ابو هتاف بعصبيه : وذا همك يا قليل الحيا صدق اني ما عرفت اربي وتلومني ليه احب الناس يقولون لي ابو هتاف بدل ايلان
ايلان قلب عيونه : ترا كله لقب ما يودي ولا يجيب
المهم ما احب احد ينام معي
ابو هتاف ناظر اياس : غرفتك للحين موجوده روح ارتاح ي حبيبي
ايلان توجه لغرفته اللي كانت مقابل غرفة اياس
طلع من غرفته بملل ودخل عند اياس
ايلان وقف : مع مين جيت ؟
اياس ناظر ايان : يهمك ؟
ايلان قلب عيونه : شفيك ياخي ابي افك سالفه معك
اياس : واذا قلت لك مابي اتكلم معك ؟
ايلان بعناد : مارح اطلع من هنا لين تسولف معي
اياس بتعب : غصب هو ؟
ايلان : الي تشوفه
جلس ايلان جنب اياس وسحب الدفتر الي بيده : ذا وشو
اياس اخذ الدفتر من يد ايلان : حاول تختار سوال ينقال ولو مره بحياتك
ايلان : شقصدك ؟ صدق مين صار يستخدم دفاتر
اياس : شدخلك انت استخدم الي ابيه ياخي تراك غثيث
ايلان : بس بذكرك اننا تطورنا
اياس : ايلان ممكن تطلع ؟
ايلان : اح تطردني و ببيتي بعد صدق انك وقح
طلع ايان وهو زعلان من اياس
- شفيه علي ؟ بس كنت ناوي احسن علاقتنا -
