ذبلان

9

- علقو بين الفقرات وحطو ڤوت
.
.
‏أنا اللي كل ما أدوّر
‏لصمتي خطوتين وباب
‏ تحاصرني رياح الذكريات
‏ وتنفض ثيابي
.
.

جلست اناظر سقف المستشفى وريحة المكان منظفات تصرع بالبطن
عيوني صارت توجعني من الاناره الي كانت بدورها نورها قوي وتجهرني غمضت عيوني ناديت على احدى الممرضات لكن ما لقيت رد
الا بالباب يفتح دخلت امي وهي تجر بعبايتها وبيدها اكياس اكل
حطتهم جنبي وسلمت عليها
جلست على الكرسي الي بجانبي وقالت بصوتها الحنون : كيفك الحين تحس ان صرت اطيب من قبل؟
ابتسمت لها : بخير يمه دوم بخير لا تشيلين همي
: سويت لك قهوه يحبها قلبك ومعها فته وها تراني كثرت شويه سكر عشانك تحبه بس ماهو بزين لك ! هالمره بس هالمره

رفعت انظاري لها ولاحظت عيونها المحمره دليل على بكائها وملامحها الذبلانه تكلمت بعتاب : يمه نمتي زين؟ ووراه تبكين عيونك الحلوين مو انا قايل لك مافيني الا العافيه شوفيني بس تعب خفيف والدكتور قالي كلها ثلاث ايام واسجل خروج
وتشوفيني باذن الله الحين روحي ريحي راسك
كيف تبيني اقوى بضعفك؟ طلبتك هالمره

صبت لي ولها قهوه وحطت الصينيه فوق الطاوله الي جنبي
: النوم جافاني وانا امك لكن ابشر
خلني اقعد معك واتطمن عليك عقبها يصير خير

تعرفون الجلسه ذيك الي ما ودكم تنتهي؟ ذي اشبه لها
المكان يضيق الصدر بس بوجود ناسك تحسه جنه!
قعدت تاخذ وتعطي معي وبين كل سالفه وسالفه ترجع تتطمن علي
لين جاها اتصال واستاذنت مني وهي توصيني الحس الصحن

قلتها بضحكه بنية اني اريحها : ومين يمل من اكلك! ابشري

لاحظت ابتسامتها الي ما فارقت وجهها وهي تطلع
اخذت نفس وارخيت جسمي
نسيت اقولها تطفي اللمبات معاها صرعتني
غمضت عيوني ناوي انام
حسيت بخطوات شخص بس لازلت مغمض عيوني وما اخذت ببالي انه ممكن يكون شخص ثاني
حسبتها امي نطقت بسرعه عشان اطمنها اني بخير! حسيت بقرب الشخص ذا مسكت يدها امسح عليها واطمنها بالكلام
سمعت صوت شخص غريب؟ لا مب غريب
وخرت يدي وقمت منصدم من وجوده؟ كيف جا وليه؟
كنت بقوم بس تعبان جسمي متكسر مافيني اي طاقه اتحرك

طلب مني اعطيه فرصه يشرح لي فيها
فرصه؟ ياكثر الايام الي كنت اعدها على امل جيتك
بس ليتك تحس تجي متاخر وتاخذ دور المظلوم
ورسايلي الي خليتها معلقه؟ وش عذرها ذي يبو فرص
يحسب نفسه ضامن قلبي؟ وبحطه فوق الكل مثل ما كنت اقول 
بس يخسي بعد ما دمرنا توبه اعطي فرص توبه انتظر شخص ما حط لي بال حاول يبرر لنفسه بأقذر الطرق كنت ساكت اسمعه مصدوم من خباثته ! ذا الي كنت ادور له مليون عذر
ذا الي كنت معتبره بريئ من بينهم
ذا هو نفسه الي قاعد يتهم ابوي بأشياء ما سواها
الان عرفت والان فهمت ليه كان منبوذ من بيننا!
الان عرفت ليه الكل كان يبعد عنه اكتشفت ان الخباثه تمشي بدمه
تعرفون ضحكة الغبنه الي تداهم دواخلك لو قال انا ظلمته والله بكذب نفسي واصدقه بس ابوي؟ الي كل يوم يسال عنه وعن جيته
بكل مره يتعب فيها يوصي فيه ويقول سامحوه وسامحوني !
نسامحك يبه ليه؟ لو بسامحك على شي ف هي يوم كنت توصي بشخص خبيث خبيييث يايبه