عند ايثار
شاردًا
يُحدق في الخواء
تُداعبُ ذِهنه الأفكار
بغرفة وسيعة الوانها هاديه ماينور ذيك الغرفة الا النور المشع من النافذه
كان صغيرنا جالس على الكرسي وقدامه لوحته
معطي يده حريتها تماما دون ادراك منه بدا يرسم نفس الشخص بكل مره وقفت يده وطاحت الفرشه من يده وعيونه لازال مثبتها امامه لين وضحت ملامح الصورة وانرسم شكله بمخيلته للمره المليون
كان دوم يتساءل وش الشي المميز فيه الي يخليه ملازم تفكيره
فجأه قاطع عليه دخول اياس من خلفه التفت له
وما اهتم اذا اياس بيشوف اللوحه او لا
بينما اياس قرب من الطاوله وفتح الدروج يدور على الالوان الي كانت بباله هو يعرف مكان اغلب الاشياء هنا لان ايثار كان من نوع الاشخاص الي يحب اشياءه تبقى بنفس المكان الي اختاره ومستحيل يغير اي شي ف لذلك اياس حافظ اماكنهم
جلس اياس على الارض وحط قدامه اكثر من لوحه بقراطيسها واحجام مختلفة لقيها بنفس الغرفة
ومسك الفرش الي كانت مقدمتها قاسيه والواضح ان استخدامها بشكل مكرر اهلكها
: عندك غيرها؟
ايثار مارد عليه ولكن قام يجيب الفرش من الكرتون وحطها قدام اياس وتربع امامه
: ذي امس طلبتها
اياس رفع انظاره لين بانت له اللوحه وركز فيها اكثر من مره
وهو يقول بينه وبين نفسه ان الشخص ذا مألوف ؟ مب غريب عليه
رمش اكثر من مره ينفي الفكره الي جت بباله وهالمره عيونه ارتكزت على ايثار وسأل بدون تفكير: ذا اوس او يتهيألي
ايثار وقتها كان حاير بأمره مايعرف وش الشي الي خلاه يرسمه بدون استيعاب منه والي يخوفه ان مو اول مره يصير معه نفس الموقف بالبداية كانت تجيه مشاعر غريبه وبكل مره يشوفه فيها كانت نبضاته تقوى وذا الشي سبب ربكه بدواخله لان اول مره شخص يحسسه بذي المشاعر ما يحب الشعور ذا لانه ما يفهم المغزى منه او وبالأصح ليه ما يمر عليه الا بوجود اوس ؟
-
عند فراس
-
مشاعر كثيره مرت علي واقساها لما عرفت بأن قلب نهار لشخص غيري وبكل مره نهار يجي يسولف لي عن محبوبه ويوصف شعوره للشخص ذا كنت اتألم داخلي
وارسم البسمه بوجهي واقول لنفسي يكفيني فرحته سواءً معي او مع غيري
بس الحقيقه اني اضعف من الحب ذا
ما كنت اقدر اتمالك نفسي ومرات انفر من القعده
ونهار كان يلومني على تغيري عليه بدون مبرر
كان يجي يقولي عقبال ما تلاقي حبيب قلبك
مايدري اني ملاقيه ومخلص وهو مو داري عني
كنت اقول ياليت لو يدري عن شوي من خفايا حبي له
يمكن يرحمني وقتها ؟ ويخفف علي من طاري محبوبه الي يحرقني
ومرات اقول لنفسي وقف انانيه وتقبل الامر الواقع مو كل شيء ببالنا بنوصله
ولكن !
ما دريت ان الدنيا مخبيه لي كثير
حقيقة حبيب نهار
والصدمه انه نفسه نادر
الي اجزم ان نهار يكرهه وما يطيقه
اعصابي تلفت وانا افكر باللي بسويه وردة فعل نهار
