سيرافينا "لعنة الكواكب"| seravena

الفصل الثالث(مش كوكو إلي يتهدد يا تورته)

نظر الفتيات لبعضهن بصدمة و قالت <<إلاريونا>> بخوف

-"ما معنى هذا الكلام، أيعني هذا أننا في خطر؟"

ردت <<فوريسيا>> بثبات

~"هم لم يقولوا سوى أن الكائنات كانت نموراً كبيرة لم يذكروا أن هيئتهم بشرية"

-"لكن لن يكون صعباً معرفة أننا لسنا مش هنا، فحتى لو كانت هيئتنا هيئه بشرية فستظل مميزة عن باقي البشر لعدة أسباب منها ملابسنا و لون بشرتنا الفاتحة عن باقي البشر"

ردت <<ليونيثا>> و هي تعقد يدها

_"و ما العمل في نظرك"

-"في الواقع لا أدري"

قالت <<ندى>> و هي تحاول المساعدة

°"لو على الهدوم فممكن تلبسوا اي حاجة من عندي لحد ما نجيبلكوا هدوم و بالنسبة للون بشرتكوا فدي تتحل بالميكاب و الشمس هتقوم بالواجب"

ردت <<سيريفالا>> بهدوء

="إذاً لنخبر الشباب صباح الغد عما حدث و ما ننوي فعله"

و من شقة <<ندى>> ننتقل إلى غرفة نوم <<جاد>> حيث كان الأربعة شباب يجلسون سوياً و يقول <<نديم>>

_"هنعمل إيه في الوقعة الملونة دي"

رد <<إيهان>> بتفكير

-"المشكلة إن فعلاً دوناً عن كل الكون ده يطلعوا في قرعتنا"

و قال <<جاد>> و هو يتذكر الفتيات

~"بس الأربعة مزز دول أحلى من المستورد كمان حتى العود ملفوف و القوام ممشوق وال...."

لكمه <<إيهان>> و قال

-"ما تبطل عادتك الزباله دي، و عايز ربنا يكرمنا و إنت بتفصل فيهم كده، ربنا أمرنا بغض البصر"

رد <<جاد>> و هو يضع يده مكان اللكمه

~"إيد أمك تقيله، و بعدين هما إلي لابسين كده بمزاجهم و غير كده دول مش بشر زيي و زيك"

-"مش مبرر يا عسل حتى لو كانت لبسة إيه مينفعش، هتقف قدام ربنا تقوله أصلهم كانوا لبسين مش عارف إيه ولا أصلهم مش بشر زينا"

~"يا عم أنا نيتي بيضه"

-"أسلقها"

و وجه نظره إلى <<ريان>> الشارد و قال

-"إلي عاررنا في مجال المحاماه لا أسكت الله لك حساً، إلي واخد عقلك"

خرج <<ريان>> من شروده و قال بجدية غريبه

="البنات دول مش مجرد سكان عاديين على الكوكب بتاعهم، كل واحده بتمثل شعور مختلف زي الغضب و الفرح و الحزن و الخوف"

إنتبه له الشباب و قال <<نديم>>

_"ولا يا ريان إنت سخن ياض، إيه العقل ده كله"