معلش بقى يا شوباب أتأخرت راحت عليا نومه😂
=================
كان الجميع ينظر للتلفاز بعيون مفتوحه بصدمه بعد رؤيتهم للمقطع الذي ظهرت به <<فوريسيا>> و هي تتحول أمام سائق الأجره، حركوا جميعاً رؤوسهم نحو <<مريم>> و <<محمد>> الذين نظروا لبعضهم بصدمه ثم نظروا نحو الفتايات لتقول <<مريم>>
-"سيريلانكا ها؟ و أجانب جايين سياحه، طلعتوا كائنات طفيليه رخويه بتتشكل عادي"
و أخذت وضعيه الصراخ و قبل أن تخرج الصرخه ركض <<ريان>> نحواها و كتم فمها و قال
="مش دلوقتي، مش هنصوت دلوقتي الجران تقول إيه أبنها جه و أتهجم عليهم و إيه رخويه بتتشكل دي هما عجينه قرص يما"
حرك <<محمد>> رأسه بحسره و قال
-"اللهم لا أعتراض، أنا قولت بردو المهلبيه دي كلها مستحيل تبقى من هنا"
أزاحت <<مريم>> يد <<ريان>> و لكمت <<محمد>> و هي تقول
-"ما تلم نفسك يا راجل بدل ما تبات مع العيال دي على السلم"
لوح <<محمد>> بيده بعدم إهتمام و قال <<نديم>> بتعجب
_"يا جدعان هما ظهروا إزاي في الفيديو أصلاً؟"
حكت <<ندى>> يدها في رأسها و ردت بتعجب
°"إيه ده صحيح ده إللي هو إزاي"
و نظرت للفتيات و قالت
°"إنتوا تقدروا تتحكموا في الموضوع ده؟"
ردت <<سيريفالا>> بتعجب
="كيف لنا أن نتحكم في ظهورنا في أحد المسجلات أم لا، هذا ليس منطقي"
رد <<إيهان>> باستهزاء
-"لا يا بت حوشي المنطقيه إللي إحنا فيها يختي"
فقال <<نديم>>
_"طب طلع تليفونك كده يلا و أفتح الكاميرا نشوف الحوار ده"
و فعلاً أخرج <<إيهان>> هاتفه و فتح الكاميرا و وجهها نحو الفتيات لتكن المفاجأة أنهم بالفعل ليسوا ظاهرين بالتصوير، وضع إيهان الهاتف على الطاوله و قال
-"و بعدين في الروشه دي، إزاي يعني بنت الهبله دي مطلعاهم في الفيديو و هما مش بيظهروا في كاميرات"
نهضت <<مريم>> بانفعال و هي تقول
-"إنتوا بتتناقشوا في إيه يا ولاد الهبله دول خطر وجودهم هنا و ممكن يجيبوا لينا المرض"
رد <<ريان>> باستهزاء
="ليه يما شيفاهم عطسه ولا كحه"
ردت <<مريم>> و هى ترفع حذاءها
أنت تقرأ
سيرافينا "لعنة الكواكب"| seravena
Fantasyأعتقد أنك قد سمعت عن لعنة الفراعنة لكن هل سمعت عن لعنة الكواكب؟ الحكاية ليست بانتقالنا لكوكب الأرض من على سطح سيرافينا فالأمر أكبر من ذلك بكثير، فتلك الإنتقالة كانت السبب في تغيير مجرى سير الكون و بدايتها كانت من سيرافينا للكشف عن حل لعنة الكواكب ✨
