سيرافينا "لعنة الكواكب"| seravena

الفصل الخامس(رايحين في داهيه بتوكتوك)

قال <<مالك>> جملته و هو يدقق النظر في ردة فعل الجميع الذين ظهر على وجوههم الإرتباك إلى حدٍ ما عدا <<فوريسيا>> و <<نديم>> الذين كانوا يقفون بثبات و قال <<إيهان>>

-"إنت فاهم غلط يا أستاذ مالك"

رد <<مالك>> بانفعال و هو ينهض

°"غلط إيه يا أستاذ، إنتوا بتتستروا على كائنات غير بشريه ممكن تدمر الكوكب و تقولي فاهم غلط"

ردت <<سيريفالا>> بهدوء

="كيف لنا أن ندمر الأرض و نحن قليلوا الحيله"

رد <<مالك>>

°"و هو إنتوا إلي زيكوا هيغلب عشان يعمل مصيبه أنا لازم أبلغ عنكوا"

ردت <<فوريسيا>> بثبات و برود

~"إذا كنت من ضلع رجل إفعلها"

قال <<ريان>> بهمس و هو يضرب على وجهه

="إنتِ بتقولي إيه! منك لله يا فوزي الزفت، أشوفك وسط حلقة نار مولعة ما تعرفي تخرجي منها زي ما إنتِ مولعاها كده"

فارت الدماء في عروق <<مالك>> و قال بغضب و هو يخرج هاتفه و يطلب النجده

°"أنا بقى هوريكي إذا كنت من ظهر راجل ولا لاء"

فُتح الخط و قال <<مالك>>

°"ألو النجده معايا، معاك مالك الحلو كن....."

و لم يكد يكمل كلامه حتى ركض <<جاد>> نحوه مسرعاً و سحب الهاتف و وضعه على المكتب و قال

~"يا عم أهدى و إحنا نفهمك في إيه، ده الوضع أتفه من كده بكتير"

و نظر ل<<فوريسيا>> و قال

~"و إنتِ يا فوزي مينفعش كل ما حد يفتح بوقه تطلعي فيه زي البروده المحمصه كده"

رد <<مالك>> بغضب

°"إنت إزاي يا بني أدم إنت تاخد مني التليفون كده، إنت مش عارف أنا مين"

لوح <<جاد>> بعدم إهتمام و قال

~"يعني كنت سحبت منك حزام البنطلون ياخي، و علفكره أنا ظابط و إسمي جاد يعني هدي الدنيا كده و خلينا نتكلم"

نظر لهم <<مالك>> بشر و أسند ظهره إلى المكتب و قال

°"إتفضلوا أحكوا بقى عشان لو مقتنعتش هسلمكوا بنفسي للمباحث"

جلس أمامه كلاً من <<نديم>> و <<ريان>> الذي قال

="يا مستر إهدى كده ليجيلك شوجر و إنت لسه صغير، عمتاً الأربع نساوين إلي هناك دول فعلاً مش من كوكب الأرض حتى باين على أشكالهم من لون بشرتهم الفاتح لشعرهم إلي في ألوان غريبه ولا أم سجده بتاعت الفواتشيح"