سيرافينا "لعنة الكواكب"| seravena

الفصل الثامن (حد يسد شرخ الحيطه)

مسا مسا عارفه اني اتأخرت بس غصب عني، جيا أقول بس إن ده هيبقى اخر فصل لسيرافينا لحد اخر رمضان عشان داخله على امتحنات دعواتكوا بقى، انتظرونا في العوده القويه بعد العيد ان شاء الله ❤️
…………

فتحوا أعينهم و كان معظمهم يمسكون برؤوسهم بألم من الضغط الذي تعرضوا له و سرعة السحب، نظروا حولهم و كان الشباب و ندى يفتحون أفواههم بصدمة و إنبهار من المنظر، الشوارع كلها نظام و ترتيب لا يحتاج الشعب لضابط مرور لتنظيم السير، نهر النجوم يمر بجانبهم، السماء صافية، و أثناء تحريك أبصارهم وقعت أعينهم على الأربعة فتيات و كانت أشكالهم مختلفه، كانت خصلات شعرهم تلمع و ألوانها زاهيه كذلك بشرتهم التي زادت حمره و جمال، كان الصمت هو سيد الموقف حتى قطعة صوت فوريسيا التي قالت بتذمر و عدم إهتمام

~"بعدما أخيراً عدنا إلى ديارنا أتى معنا أُحاد الخلية هؤلاء"

رد ريان باستفزاز

="قولنا نيجي نودعكوا و نتفرج على المكان المنظم زياده عن اللازم ده"

قال مالك بتعجب و تفكير

°"و إحنا جينا هنا إزاي أصلاً مش المفروض نوصل لسرعة الضوء"

رد ريان بسخريه

="أه محنا وصلنلها بالنيه"

ردت سيريفالا بعدم فهم

="أنا لا أفهم كيف حدث هذا و كيف جئنا إلى هنا"

قال جاد باعجاب

~"سيبكوا من ده كله إنتوا بقيتوا بتنوروا في الضلمه كده إمتى، دا إنتوا عديتوا فينوس الليد"

ردت فوريسيا بتستهزاء

~"كما لو أنه يرانا للمرة الأولى"

غمز بمشاكسه و قال

~"طب ما تتركي التّعالي و تعالي"

ردت بغضب

~"أقسم أن موتك سيكون على يدي يا أخرق"

لكمه نديم الذي قال

_"ده إللي لفت نظرك، ملفتش نظرك المكان المنظم اللي ماشي على العجين ميلغبطش ده، دا مفيش ونش ولا كمين ولا حتى بلطجيه"

ردت ليونيثا بسخرية

_"ما يحدث هنا هو الطبيعي لكن ما كان يحدث على الأرض فهذا ما لم يكن طبيعي"

و أكملت إلاريونا

-"الحياة على كوكب الأرض حياة عشوائية للغاية لا يحكمها سوا القانون و في بعض الأحيان يستطيع عديموا الضمير فعل كل ما خطأ في الخفاء، أما هنا فلا يجرء أحد على فعل هذة الأشياء"

رد ريان باعتراض

="عشوائية إيه دي اللي بتقولي عليها دا أحنا أساس النظام، ما تقول حاجة يا عم إيهان لا أسكت الله لك حساً"