ဒေဝီရတု သူ၏နန်းဆောင်တွင်ထိုင်ကာပြတင်းပေါက်ကတဆင့် အပြင်ဘက်သို့ရှုမျှော်နေသည်။သူသည်မြို့တော်ကသတင်းကိုကြားလင့်ပြီးပြီဖြစ်သည်ကြောင့် အကိုဖြစ်သူအတွက်ဝမ်းနည်းနေခြင်းဖြစ်သည်။ ဘယ်လောက်ပဲမုန်းတီးနေပါစေ သွေးသားရင်းဆိုသည့်ဆက်နွယ်မှုကြောင့် သေတော့ဝမ်းနည်းရသည်။ထို့အပြင် သူ(မ)ကနန်းပြင်ရောက်နေရသည်ကြောင့် အကိုဖြစ်သူ၏ အသုဘကိုသွားခွင့်မရပေ။
နန်းဆောင်အပြင်ဘက်သို့ငေးမောကြည့်နေမိတုန်း အနီးကပ်နေရသည့်မောင်းမတော်သည်နန်းဆောင်အတွင်းသို့ဝင်လာသည်။
"မင်းသမီး.."
"ပြောစေ"
"အိမ်ရှေ့စံက..မင်းသမီးကိုတွေ့ဖို့.."
စကားပင်မဆုံးသေးကျယ်လောင်စွာပွင့်ဟာသွားသည့်တံခါးကြောင့် ဒေဝီရတု၏မျက်ဝန်းများသည်ကျယ်ပြန့်သွားသလို မောင်းမတော်မှာလည်းထိတ်လန့်သွားသည်။ ဒေဝီရတုသည်တံခါးကိုကြမ်းတမ်းစွာဖွင့်လိုက်သူကို ဒေါသတကြီးကြည့်၍
"အိမ်ရှေ့စံ အဘယ်ကြောင့်အပြုအမှုတွေကကြမ်းတမ်းနေရသလဲ"
သလွန်ပေါ်ကနေဆင်း၍ ဒေါသဖြင့်ပြောလိုက်သည်။အတ္တပေမကတော့ မိမိကိုထိုသို့ပြောသည့်အဒေါ်ကို ကြည့်မြဲအတိုင်းကြည့်နေသည်။အိမ်ရှေ့စံ၏ပုံံစံသည်ဖရိုဖရဲနဲ့မျက်နှာသည်အရင်လိုငြိမ်အေးမှုမရှိတာကို ဒေဝီမှာရိပ်မိတော့ မောင်းမတော်ကိုအပြင်ထွက်စောင့်ဖို့ပြောလိုက်သည်။ မောင်းမတော်ထွက်သွားပြီးတံခါးပိတ်သွားသည်မှ ဒေဝီသည်စကားစသည်။
"ဘာအကြောင်းကိစ္စများရှိလို့လဲ အိမ်ရှေ့စံ"
"မယ်တော်က နန်းတော်ကနေအဘယ်ကြောင့်ထွက်သွားရတာလဲ"
"အဲ့ဒါက အိမ်ရှေ့စံလည်းသိပြီးသားလေ ဥတုယောမီကြောင့်လို့"
"ဥတုယောမီကိုကိုယ်ဝန်ပြုတ်ကျအောင်လုပ်တာ မယ်တော်ဆိုတာကောသေချာလား.."
ထိုအမေးကြောင့် ဒေဝီရတု၏မျက်ဝန်းသည်အနည်းငယ်ကျယ်ပြန့်သွားသည်။ အံ့သြသွားသည့်အမှုအယာဖြစ်သွားပေမဲ့အမြန်လေးထိန်းလိုက်ကာ ပုံမှန်တိုင်းငြိမ်သက်စွာဖြင့်
VOCÊ ESTÁ LENDO
အရှင်
Romanceမြို့ဟောင်းလေးတစ်ခုမှာဖြစ်တည်ခဲ့သည့် ဇာတ်လမ်းတစ်ပုဒ်ရှိခဲ့လေသည်။ ဝမ်းနည်းဖို့ကောင်းသည်မှာ ထိုဇာတ်လမ်းလေးသည် မြို့ဟောင်းနှင့်အတူရာဇဝင်တွင်နှစ်မြုပ်ခံထားရလေသည်။ ၿမိဳ႕ေဟာင္းေလးတစ္ခုမွာျဖစ္တည္ခဲ့သည့္ ဇာတ္လမ္းတစ္ပုဒ္ရွိခဲ့ေလသည္။ ဝမ္းနည္းဖို႔ေကာင္းသည္မ...
