Rebirth for Love (Completed)

ep10 Uni+Zaw

               အဆောင်၏ရုံးခန်းထဲတွင်ဖြစ်သည်။ အသက် ၃၀ ကျော်အရွယ်ခန့် ရှိသော အမျိုးသမီးနှစ်ဦး၊ပြီးနောက် ဆယ်ကျော်သက်အရွယ်ကျောင်းသား ၂ယောက်က အဆောင်မှူးဆရာမကြီး၏ရှေ့တွင်ထိုင်ကာ နေ့လယ်က ဖြစ်ပျက်ခဲ့သော အခြေနေတွက်ဆွေးနွေးနေကြသည်။

                "ကျွန်မကတော့ လုံးဝကြေအေးမပေးနိုင်ဘူးရှင်...ကျွန်မသားက ယောကျာ်းလေးဆိုပေမယ့် ဒီကိစ္စကိုဘာမှမဖြစ်သလိုကျော်မသွားနိုင်ဘူး...."

             မေမေ့ရဲ့စကားကြောင့် ပန်းရုံ လက်သီးစုပ်လေးကို တစ်ခြားလက်တစ်ဖက်ဖြင့်အုပ်ကိုင်ကာ ​ဖျစ်ညစ်ထားလိုက်သည်။ သူဒီကိစ္စကို မိဘခေါ်ရန်အထိ မစဥ်းစားခဲ့ပေမယ့် ရာဇ်ကတော့ နောင်တမရစေရန် မတရားခံရတာကို ထုတ်ပြောရတာ ရှက်စရာမဟုတ်ဘူးဟူ၍ပြောခဲ့သည်ကြောင့် ေမမေ့ကို ခေါ်ရတာဖြစ်သည်။

                   "ဟွန်း...ရှင့်သားရှင်လဲ ပြန်ကြည့်ပါအုံး...ပုံစံက ကနွဲ့ကလျနဲ့ ကျွန်မသားကိုမြူစွယ်ပြီးခေါ်လို့ဒီလိုဖြစ်ကုန်ရတာပေါ့...ဒီလိုမျိုးပုံစံတွေက မိန်းမကိုတော်ရုံစိတ်ဝင်စားတဲ့သူတွေမဟုတ်ပါဘူးရှင်...."

              တစ်ဖက်က အန်တီပြောစကားကြောင့် ပန်းရုံ ဒေါသတကြီးမော့ကြည့်လိုက်ပေမယ့် ဆရာမကြီးအသံကြောင့် ပန်းရုံဒေါသကိုထိန်းလိုက်သည်။

              "ကျွန်မက ဘက်လိုက်ပြီးပြောတာမဟုတ်ပေမယ့် ကျော်ဆန်းက ပန်းရုံကိုအနိုင်ကျင့်နေတာ မြင်တဲ့ကလေးလဲ ရှိပါတယ်...ပြီးတော့ ပန်းရုံက ကျွန်မတို့အဆောင်မှာ နေနေတဲ့တောတွင်း နာမည်ပျက်မရှိခဲ့တဲ့ကလေးပါ....ကျွန်မက အမှန်တရားကိုမသိဘဲနဲ့ ခုလိုခေါ်တွေ့တာမဟုတ်ပါဘူး...."

               "ကျွန်မသားက မိကောင်းဖခင်သားသမီးပါ...အေး...ကျွန်မရဲ့သားက လိင်တူစိတ်ဝင်စားရင်တောင် ကျွန်မက ဂုဏ်ယူတယ်...ဘာလို့လဲဆိုတော့ ကျွန်မသားက ဘယ်သူ့ အိမ်ထောင်ရေးမှဖျက်စီးမနေသလို ဘယ်သူ့ကိုမှထိခိုက်အောင်လုပ်နေတာမဟုတ်ဘူး...လိင်တူကြိုက်လို့ လှောင်ကြမယ် ကဲ့ရဲ့ကြမယ်ဆိုရင်တောင် ကျွန်မ သူ့မအေတစ်ယောက်လုံးရှိတယ်..."