အလင်းသည် ဆေးခန်းသို့ မည်သို့မည်ပုံရောက်လာမှန်းပင်မသိတော့။
ဆေးခန်းရှေ့ရောက်၍ဆိုင်ကယ်ရပ်သည်နှင့်
အလင်းသည် ဖင်ပျားတုပ်သလို ဆိုင်ကယ်ပေါ်ကချက်ချင်းခုန်ဆင်း၍ လူနာစောင့်ခုံဆီတန်းသွားတော့သည်။မပြေးရုံတမယ်ခြေလှမ်းတို့ဖြင့် လှမ်းသွားသော ဝေယံ့ကိုကြည့်ရင်း မဟာ သည် ခေါင်းခါလျက် သက်ပြင်းဖွဖွချကာ
နောက်ကလိုက်သွားတော့သည်။'ဒီကောင်လေးက ဘာဖြစ်သွားရပြန်လဲမသိ'
မဟာ သည် ဆေးခန်းအတွင်းသို့ရောက်သော်
ဝေယံထိုင်နေသောဘေးနားကနေရာလွတ်ဆီသို့ကပ်၍ထိုင်လိုက်သည်။
မဟာသည် အနားရောက်ခါမှ ဝေယံ၏ နီရဲနေသော မျက်နှာအားမြင်လိုက်ရသည်။
အဖျားပြန်တက်သွားသည်ထင်၍ စိုးရိမ်မိသွားသည်။''ဟေ့ ဘယ်လိုဖြစ်လို့မျက်နှာကရဲနေတာလဲ''
''မှန်းစမ်း လေတိုက်ခံလိုက်ရလို့အဖျားပြန်တက်လာတာလား''
မိမိနဖူးအားကိုယ်ပူစမ်းရန် အနားကပ်လာသော ကိုမဟာ့၏ လက်ကလေးအား
ဖမ်းလျက်ဆုပ်ကိုင်ကာ တားလိုက်ရသည်။''ရတယ် ကျွန်တော်ဘာမှမဖြစ်ဘူး
အဆင်ပြေတယ် နေပူထဲနေလိုက်ရလို့
ဖြစ်တာ''''အင်းပါ အဆင်ပြေရင်လဲ ပြီးတာပဲ''
ထို့နောက် နှစ်ယောက်သားအတွေးကိုယ်စီ
ဖြင့်တိတ်ဆိတ်သွားပြန်လေသည်။
အချိန်ခဏကြာသော် ကိုမဟာ၏ ချောင်းဟန့်သံလေးအားကြားလိုက်ရ၏။''အဟမ်း ''
''ဟေ့ ဝေယံ''
''ဗျာ''
''လွှတ်အုန်း''
အလင်းသည် နဝေတိမ်တောင်ဖြစ်လျက်
''ဗျာ ဘာကိုလွှတ်ရမှာလဲ''
''ဟာ မင်း ငါ့လက်ကိုကိုင်ထားတာလွှတ်ပေး
အုန်းလို့ဟ''ကိုမဟာသည် စိတ်မရှည်စွာဖြင့် ခပ်ကြိတ်ကြိတ်ဆိုတော့သည်။
ထိုအခါမှအလင်း သည် မိမိမှာ ကိုမဟာ့လက်ကလေးကိုကိုင်ထားမိမှန်းသတိရတော့သည်။
''အာ ဆောရီး''
ကို့မဟာ့ လက်ကလေးအား အမြန်လွှတ်ပေးလိုက်ပြီးနောက် အလင်း မျက်နှာကြီးမှာ
ပိုလို့တောင်နီရဲလာတော့သည်။
YOU ARE READING
အလင်း ချစ်သော မဟာ/အလင္း ခ်စ္ေသာ မဟာ
Romanceဝေယံလင်းရှိန် (အလင်း)x မျိုးမြတ်မဟာ(မဟာ) side cp_ ဇင်မင်းထက် x နှောင်းဦးယံ ေဝယံလင္းရွိန္ (အလင္း)x မ်ိဳးျမတ္မဟာ(မဟာ) side cp_ ဇင္မင္းထက္ x ႏွောင္းဦးယံ