PTU အနီးအနားရှိ ပျူမြို့ဟောင်းတို့
သုံးပန်လှတို့ ဘောဘောကြီး၊ဘဲဘဲကြီးဘုရား၊မှော်စာပြတိုက်စသည်တို့သို့သွားပြီးသည့်နောက်ပြည်မြို့ဟိုဘက်ကမ်းရှိ
ရွှေဘုံသာဘုရား ဖူးရန်ဆက်၍ခရီးဆက်ကြသည်။အလင်း တို့ ပြည်မြို့ထဲဝင်သည့်အချိန်မှာ ၁နာရီတောင်ကျော်နေပြီဖြစ်ရာ
နေကလည်းခြစ်ခြစ်တောက်ပူနေလေသည်။
အလင်းသည် ဆိုင်ကယ်စီးနေတဲ့တစ်လျှောက်လုံး ဘေးကရှုခင်းတွေကိုအာရုံထားဖို့ နေနေသာ ဆိုင်ကယ်နောက်
ကြည့်မှန်ထဲက ကိုမဟာ့ကိုပဲ ခိုးခိုးကြည့်
နေမိသည်။
ကြည့်ဆို...ကိုမဟာကလည်း တကယ့်ကို
ချောသကိုးဗျ။
အကြည့်ခံရုပ်လေး ။
မျက်နှာ ဖြူဖြူချောချောကို နေကာမျက်မှန်အနက်လေးတပ်ထားတော့ပိုတောင်ချောသွားသလိုလို။
အရှည်ကြီး နှင့် နှောင်းဦးယံတို့ကလည်းရုပ်ချောသည့်အထဲပါပေမဲ့ အလင်းမျက်လုံးထဲတွင်တော့ ကိုမဟာက သူတို့နှစ်ယောက်ထက်ပို၍ကြည့်ကောင်းနေသည်။
ဟိုနှစ်ယောက်သိရင်တော့သွေးတက်မလား
မသိ။
အလင်း၏လက်တစ်ဖက်မှာလည်း တစ်ယောက်သောသူ နေပူမှာဆိုး၍ ထီးမိုးပေးထားလျက်။
အလင်းစိတ်ထဲတွေးနေသည်မှာ ကိုမဟာ့အသားရည်ကဖြူဖြူနုနုလေး နေပူထဲအကြာကြီးနေလိုက်လို့ နေလောင်သွားရင်ဒုက္ခဟူ၍။
ယောက်ျားလေးနှစ်ယောက် က ဆိုင်ကယ်ဦးထုပ်ဆောင်းထားလျက်ကိုမှ ထီးကြီးကထပ်ဆောင်းထားရာ မြင်သူတကာအတွက်အထူးအဆန်းဖြစ်နေမှာအသေအချာ။
ထိုသည်ထက် အလင်း မေ့နေခဲ့သည်က မိမိရှေ့ကကိုမဟာသည် ဘယ်လောက်နေပူပူ လက်ရှည်မပါ၊ခေါင်းဆောင်းမပါပဲနေပူထဲ
အမြဲလမ်းသလားနေတက်သူဆိုတာကိုလေ။
အလင်းတို့ ရွှေဘုံသာဘုရားရောက်သော်
နေ့လည်စာအရင်စားပြီးမှဘုရားဖူးကြ
ရန်ဆုံးဖြတ်လိုက်ကြသည်။
ပိတ်ရက်မလို့လားမသိ ဆိုင်ထဲတွင်
လူနည်းနည်းများနေသည်။
စားသောက်ဆိုင်သည် ဧရာဝတီမြစ်ကမ်း နှင့်
မလှမ်းသောနေရာတွင်တည်ရှိလေသည်။
အလင်းတို့သည် ဆိုင်အတွင်းviewကောင်း
သောနေရာတစ်ခုတွင်ဝင်ထိုင်လိုက်သည်။
ထုံးစံအတိုင်း အလင်းက ရေနွေးအရင်ငှဲ့ကာ
အအေးခံထားလိုက်သည်။
YOU ARE READING
အလင်း ချစ်သော မဟာ/အလင္း ခ်စ္ေသာ မဟာ
Romanceဝေယံလင်းရှိန် (အလင်း)x မျိုးမြတ်မဟာ(မဟာ) side cp_ ဇင်မင်းထက် x နှောင်းဦးယံ ေဝယံလင္းရွိန္ (အလင္း)x မ်ိဳးျမတ္မဟာ(မဟာ) side cp_ ဇင္မင္းထက္ x ႏွောင္းဦးယံ
