မဟာ အဆောင်သို့ပြန်ရောက်သော်အခန်းထဲတွင်ဝေယံကိုမတွေ့ရပေ။
လက်ကနာရီကိုကြည့်မိသော် ၄နာရီခွဲ
ကျော်နေပြီဖြစ်သည်။
မဟာသည် အလင်းစားပွဲပေါ်က
ဘေးလွယ်အိတ်ကို မြင်ကာမှ ထိုကောင်လေးပြန်ရောက်နေပြီး ရေသွားချိုးနေတာ
ဒါမှမဟုတ် သူငယ်ချင်းအခန်းများသွား
နေတာဖြစ်လောက်မယ်ဟု တွေးလိုက်သည်။မဟာသည် တစ်နေ့စာထမင်းသုံးနပ်ကို အပြင်မှာပဲစားလာလေ့ရှိသည်။
အဆောင်မှာစားနေရင် ပန်ကန်ဆေးရမှာဆိုးလို့ဖြစ်သည်။
ရေချိုးရန်ပြင်လိုက်ပြီး ခုနေ့ဝတ်တဲ့အဝတ်တွေကော အရင်နေ့ကအဝတ်တွေကောစုပြီး
အလျှော်ဆိုင်ပို့ရန် အိတ်တစ်လုံးထဲထည့်လိုက်သည်။အိတ်ကိုကုတင်အောက်သို့ပို့ပြီး ဟိုဘက်ခြမ်းသို့လှမ်းကြည့်မိသော် သေတ္တာပေါ်မှာလျှော်ပြီးသားအဝတ်တွေကိုသပ်သပ်ရပ်ရပ်ခေါက်တင်ထားသည်ကိုတွေ့ရသည်။ အခန်းရှေ့ကဝရံတာကိုကြည့်မိပြန်တော့လည်း ဝေယံ့ဘက်ခြမ်းကအဝတ်တန်းတွင် လျှော်ပြီးသားအဝတ်တွေက စီစီရီရီလှမ်းလို့ထားသည်။
မိမိဘက်ခြမ်းက အဝတ်တန်းကိုကြည့်မိသော် အပေါ်တန်းတွင်တော့ ဗလာဖြစ်ကာ အဝတ်မပြောနဲ့ ချိတ်တောင်မရှိပေ။
အောက်တန်းတွင်လှမ်းထားသော ရေလဲပုဆိုးတစ်ထည်က ရေလည်းသေချာမညစ် သေချာလည်းဖြန့်မလှမ်းထားရာ ရှုံ့တွနေတော့သည်။မိုးနဲ့မြေလိုကွာခြားနေသော နေရာနှစ်ခုအား ကြည့်လျက် သက်ပြင်းချမိသည်။
'ဝေယံနဲ့ရမည့်သူကတော့ ကံကောင်းလိုက်
မည့်ဖြစ်ခြင်း ''ငါနဲ့ရမည့်သူကတော့ ဟင်းးးး ရင်လေးပါရဲ့'
ထို့နောက် ရေချိုးရန် တန်းက ရှုံ့တွနေသော
ပုဆိုးကိုယူလျက် ထွက်လာခဲ့တော့သည်။
ရေချိုးခန်းကလည်း ဒီနေ့မှလူပြည့်နေလေရာမဟာ့မှာ ဘေစင်သို့အရင်သွားပြီး
သွားတိုက်ရင်းလူလွတ်အောင်စောင့်နေ
လိုက်သည်။မဟာသွားတိုက်နေတုန်း မျက်စောင်းထိုးကရေချိုးခန်းမှလူတစ်ယောက်ထွက်လာသည်ကို မျက်လုံးထောင့်မှဝိုးတိုးဝါးတားမြင်လိုက်သည်။
မဟာလည်း ရေချိုးခန်း လွတ်သွားသည်ကိုတွေ့သော် အမြန်ဆုံးနည်းဖြင့်သွားတိုက်လိုက်သည်။ ပလုတ်ကျင်းပြီး ခေါင်းမော့ရုံရှိသေး ဘေစင်ဘေးတွင် မတ်မတ်ကြီးရပ်ကာ
မိမိအားကြည့်နေသူကြောင့် အသက်ထွက်မတတ်လန့်သွားရသည်။
YOU ARE READING
အလင်း ချစ်သော မဟာ/အလင္း ခ်စ္ေသာ မဟာ
Romanceဝေယံလင်းရှိန် (အလင်း)x မျိုးမြတ်မဟာ(မဟာ) side cp_ ဇင်မင်းထက် x နှောင်းဦးယံ ေဝယံလင္းရွိန္ (အလင္း)x မ်ိဳးျမတ္မဟာ(မဟာ) side cp_ ဇင္မင္းထက္ x ႏွောင္းဦးယံ