အဆောင်သို့ပြန်သော လမ်းတစ်လျှောက်လုံး အလင်းနှင့်မဟာသည် ဆိုင်ကယ်ပေါ်တွင်စကားတစ်ခွန်းမှမဆိုမိကြ။
နှစ်ယောက်စလုံး အတွေးကိုယ်စီနှင့်ဖြစ်ရာ အပြန်လမ်းတစ်လျှောက်လုံးကတိတ်ဆိတ်လျက်သာ။
အပြန်လမ်းတွင်တော့ အလင်းသည်
ဆိုင်ကယ်စီးရာတွင် ခွမစီးရဲတော့ပဲ
တစောင်းသာ စီး၍ လိုက်လာတော့သည်။
နောက်မို့ဆို အပူကြီးပြီးထပ်ဖျားနေမှာစိုး
ရတယ်။
ခုနကလက်ကိုင်ထားတုန်းကဖြစ်ပေါ်လာတဲ့ အနွေးဓာတ်လေးက အလင်း လက်ပေါ်မှာခုထိရှိနေသေးသည်။
အလင်းသည် ထိုနားမလည်နိုင်တဲ့ခံစားချက်တို့ကြောင့် တိတ်တိတ်လေးသက်ပြင်းခိုးချ မိသည်။
အဆောင်ပြန်ရောက်၍ မကြာသေး
ကိုမဟာကအပြင်သို့ပြန်ထွက်သွားပြန်သည်။
အလင်းသည် ထိုခြေများတဲ့လူကြီး ဘယ်တွေသွားနေလဲဆိုတာ မသိရပါ။
သိချင်ပေမဲ့ မိမိမှာထိုသို့မေးရလောက်အောင် အဆင့်မရှိဟုတွေးမိသည်။
တစ်ခါတစ်လေ မိမိက ကိုမဟာအတွက်
ဘာလဲ ဆိုတာ သိချင်မိသည်။
သူငယ်ချင်းလို့ပြောရအောင်လည်း သူနဲ့က
အဲ့သလောက်မရင်းနှီးကြပါ။
သူစိမ်းလို့ပြောရအောင်လည်း ကိုမဟာရဲ့ဂရုစိုက်မှုတွေကသူစိမ်းတစ်ယောက်ထက်မကကြောင်းသိနိုင်လေသည်။
ထိုလူသည်တကယ်ပဲမိမိအပေါ်ဘယ်လိုမျိုးသဘောထားလဲ ဆိုတာ သိချင်မိသည်။
အလင်းအတွက်ဆိုရင်တော့ ကိုမဟာက
အလင်းအားကိုးအားထားချင်မိတဲ့အကိုကြီးတစ်ယောက် ဟုဆိုရမည်။
ဟို ဘာမှန်းမသိခံစားနေရတဲ့ခံစားချက်တွေကိုတော့လျစ်လျူရှုလိုက်ပါမည်လေ။
အလင်းကတစ်ဦးထဲသောသားမလို့ငယ်ငယ်ထဲက ညီကိုမောင်နှမရှိသည့် သူတွေကိုအရမ်းအားကျခဲ့ရသည်။
မိမိကိုယ်တိုင်လည်းထိုသို့ ညီကိုမောင်နှမတွေလိုချင်မိသည်။
အမျိုးထဲမှာ ဝမ်းကွဲတွေရွယ်တူတွေရှိကြပေမဲ့ ဘာလို့မှန်းမသိ သူတို့ကအလင်းနဲ့ရင်းနှီးရန်မလိုလားကြပေ။ထို့ကြောင့်အလင်းသည် ငယ်ငယ်ကတည်းက ဆွေးမျိုးတွေဆီသွား
လည် ခဲ သည်။
'' ဟင်းး ''
အလင်းသည် ဘာရယ်မဟုတ် သက်ပြင်းချမိပြန်သည်။
YOU ARE READING
အလင်း ချစ်သော မဟာ/အလင္း ခ်စ္ေသာ မဟာ
Romanceဝေယံလင်းရှိန် (အလင်း)x မျိုးမြတ်မဟာ(မဟာ) side cp_ ဇင်မင်းထက် x နှောင်းဦးယံ ေဝယံလင္းရွိန္ (အလင္း)x မ်ိဳးျမတ္မဟာ(မဟာ) side cp_ ဇင္မင္းထက္ x ႏွောင္းဦးယံ
