قطوف: فتحت عيوني شوي شوي لحد ماوضحت عندي الصوره شفت نفسي بغرفه ضلمه وبيها ضوء خفيف باوعت لنفسي واستوعبت اني نايمه على الجربايه واديه ورجليه مربوطه والغرفه الي انا بيها فارغه ومابيها بس انا والجربايه عبالي حلمانه بس طلع انو واقع باوعت للغرفه كلها تراب وبيها عش مال عناكب وشباك واحد والدنيا ليل وضوء القمر هوا الي منطيني ضوء انفتح الباب خفت حيل خاف يسوون بيه شي
باوعت على الشخص الي دخل كان ملثم بلثام اسود مغطي كل وجهه ولابس نظارات سود ملابسه اسود بسود لابس هودي اسود ولابس الكبوس مال هودي ماشفت ملامحه بده يتقرب مني و حجه وسمعت صوته الي مدري شلون صوته ضخم وخفت صراحه
..: واخيرا كعدتي يــــــــا حلوه وابتسم ابتسامه خفيفه.
قطوف: بخوف . منو انتَ وشتريد مني.
..: انا هههه انا الي راح اشوفج جهنم وضحك.
قطوف:انتَ الله استغفر الله بكلبي. كلي انتَ منو وشتريد مني ومنو دازك ع مود تخطفني.
..: انا محد دزني انا خذيتج بفلوس يعني مثل مايكولون انتي انباعيتي الي.
قطوف: هذا شكاعد يخربط شيحجي. تجرأت وكلت. ترا والله اذا ماعفتني اتصل على الشرطه وهمه يجون يأدبونك فاهم
..: ههههههههه والله ضحكتيني شلون تتصلين على الشرطه وانتي تلفون ماعندج حجه اخر كلامه بحده
قطوف: ترا اهلي مايعوفوني
تقدم مني وخنكني
..: ياهل الي عندج بالله امج الي باعتج الي لو اختج هاا قسماً اذا فكيتي حلكج مره ثانيه اشوف شي مايعجبج
قطوف:هزيت راسي بــ أي ع مود يوخر خانكني قوي تعبت احس كاعد اخذ انفاسي الاخيره
وخر مني واردف
..: هذا تنبيه الج
طلع وقفل الباب بقيت ابجي على الحال والموقف الي انا بي معقوله. معقوله امي تبيعني بس لو باعتني ليش بهاي الطريقه ليش بقيت ابجي وادعي من كل كلبي انو تفرج واطلع من المكان الي انا بي ومايصير بيه شي ولايتقرب مني وادعي وابجي
وانا ابجي تذكرت اني لابسه كلاده هاي الكلاده من ود اختي ومن لبستني الكلاده كالتلي انو الكلاده بيها جهاز تعقب للحاجه خاف اضيع مكان انخطف مسحت دموعي وكأن ود جانت حاسه انو هذا اليوم راح يجي بقيت ادعي لحد ما خذتني نومه
اطلع من حلم وادخل بحلم لحد مافزيت تمنيت هذا حلم وافز منه ولكن طلع مو حلم بقيت افكر شلون اهرب باوعت لايدي وكعدت اسحبها بكل قوتي واشد على نفسي واسحب لحد ما نكطع الحبل فكيت الحبل الثاني وحبال رجليه وكمت من على الجربايه رحت تقدمت من الباب وطلع مقفول تحطمت امالي رحت على الشباك ولكيته مفتوح فرحت كلش واخيرا راح اطلع مديت راسي وشفت المسافه زينه مو كلش بعيدة نكزت وطحت على الارض بس الحمدلله ماتعورت كمت ومشيت والمكان يخوف مرعب صوت الكلاب واصلت بأني امشي وصلت للباب الرئيسي مديت ايدي بهدوء اريد افتحه انفتح فجأه ولكيت ولد داخل عليه فتحت عيوني على وسعهن
أنت تقرأ
قطوف
خيال علميآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
